LlB Llsgr. Harley 958 – tudalen 58r
Llyfr Blegywryd
58r
eurlliỽ neu aryantlliỽ pedeir ar hugeint a tal
Onẏ bẏd yn vn o|r lliweu hẏnnẏ; deudec
keinhawc a tal. Cledyf breulif deudec
keinhawc a|tal. Cledyf gwynseit pedeir
ar hugeint a|tal. Cledẏf a uo eur neu arẏ+
ant ar ẏ aual gỽerth damdwg a uyd
arnaw Gwaẏỽ pedeir keinhaỽc kyfreith a tal
Bwa a deudec saeth pedeir keinhawc kyfreith a tal
Kẏllell keinhaỽc kyfreith Gwerth deu vaen y
vreuan pedeir keinnaỽc kẏfreith ẏỽ.
O |R trẏchir prenneu ereill ẏ|ghoet dẏn heb
y ganhat amgen no|r tri phren ẏssyd
rẏd y adeilwr maestir. keinhaỽc a|tal o lỽyth
deu ẏchen neu o lỽẏth march ẏ perchen y coet
Y neb a|e trycho a|e tal a chamlỽrỽ ẏ|r arglwyd
Os gwadu a wna reith lledrad a a arnaw
A|r gyfreith honno ẏssẏd ẏ bop dẏn am y goet
Teir kynefawt yssyd kẏnefaỽt a erlit
kyfreith kynhalyadwy yw kẏneuaỽt a rac+
vlaenho kẏfreith o|r bẏd aỽdurdaỽt brenhinaeth
idi kẏnhalẏadỽẏ ẏỽ. kẏnefawt a lỽgẏr
kyfreith ac nẏ dẏlẏir y chynhal Tri pheth a ga+
darnha kynefaỽt aduẏnder a gallu ac aỽ+
durdaỽt. Tri pheth a wanha kynefawt
gorthrymder. Ac agheugant voned a dryc+
agreith a hi a wrthledir rac drycagreith
| « p 57v | p 58v » |