LlB Llsgr. Harley 958 – tudalen 7v
Llyfr Blegywryd
7v
aniueileit a|lather ẏn|ẏ llẏs a geif ẏ coc ei+
thẏr ẏ caỻoneu. Ran a|geif o ariant ẏ
gwestuaeu. A|e verch a|uẏd vn vreint a
merch bard teulu. A hweugeint uẏd ẏ bediỽ*.
Y|gỽastraỽt a dẏlẏ caffel kẏfrỽẏ peunẏdẏaỽl
ẏ brenhin a|e ẏstarn. a|e frỽẏn. a|e hossaneu ỻe+
dẏr a|e ẏsparduneu. a|e gappan glaỽ pan beit+
to ẏ brenhin ac ỽẏnt. March ẏ pengwas+
traỽt a|uẏd rỽng march ẏ|brenhin a|r paret
Medẏd a geif traẏan ẏ cỽẏr a tẏnher o|r gerwyn
neu med. kanẏs ẏ|deuparth a|rennir yn|teir
ran. ẏ dỽẏ ran ẏ|r neuad. a|r trẏded ẏ|r ẏsta+
uell. Y coc a geif crỽẏn ẏ deueit a|r geiuẏr
a dihẏnẏon ẏ gallaỽr.
P enkerd ẏ wlat a dẏlẏ caffel gobreu mer+
chet ẏ kerdorẏon a uỽẏnt ẏ·danaỽ. Ac a
dẏlẏ caffel kẏfarỽs neithaỽr o pob morỽyn
pan ỽrhaho. nẏt amgen pedeir ar|hugeint.
Nẏ henẏỽ ẏ penkerd o rif ẏ sỽẏdogẏon ỻẏs.
vẏnho ẏ brenhin warandaỽ kanueu
canet ẏ penkerd deu ganu idau. ẏg|kẏnted ẏ
neuad. vn o duỽ. ac araỻ o|r brenhined. ka+
nẏs ef a dẏlẏ dechreu kerd ẏn ỻẏs. A|r bard
teulu a dẏlẏ canu ẏ trẏdẏd canu is kẏnted
ẏ neuad. Pan vẏnho ẏ vrenhines kerd o|e
gwarandaỽ ẏn|ẏ ẏstaueỻ. kanet ẏ|bard teu+
| « p 7r | p 8r » |