Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 25r
Ystoria Lucidar
25r
ant ev gochlyt. Megys y|dyỽedir. Vym|pobyl i
eỽch oc eu plith wy. rac ych bot ynn gyfuran+
naỽc ar ev poenev. Y gochel ỽynt a|dylyir o
vedỽl. Ac ewyllys rac kyt·synnyaỽ a|e drỽc+
weithredoed. Pa|ryỽ gytssynnyaỽ. O|molir y
drỽcweithredoed. nev o|nertheir wynt. A|e o|da
a|e o gynghor. nyt y|rei yssyd yn gỽnneuthur
y|drỽc e|hun yssyd teillỽng o anghev. namyn
a gytssynnyo ac wynt. Ac o chytssynnyir ac ỽy
ef a|dylyir eu gochel rac eu bot ynn achos
y|gỽymp y bopyl. A|dylyir dyỽedut geireu
duỽ yr rei drỽc. O gỽybydir eu bot yn honneit
elynnyon y|duỽ. ny dylyir y|dyỽedut vdunt.
kannys twyllỽr yỽ y|neb a adefuo kyfurinach
arglỽyd yr nep a|wypo y|vot yn elyn idaỽ. O+
dyna y gorchymynnir val hynn. na rodỽchỽi
y|bara benndigeit yr kỽn. Ac na vyrryỽch y
gemmev yr moch. rac y sathru dan eu|traet. A
gỽatỽar amdanaỽch. lle ny wyper hagen ev
bot wynt velle. ef a|dylyir pregethv vdunt o|e
trossi yr yaỽn. Ar arglỽyd. a|bregethaỽd gynt
y|bedyr. Ac yr ebestyl. Am wybot vot Judas. Ar
pharistywyssogyon yn teruyscu. A|dylyir eu
godef wynt val y|godefuaỽd krist Judas. Ef
a|dylyir ymgeffelybu ac wynt yny del duỽ e|hun
| « p 24v | p 25v » |