LlGC Llsgr. Llanstephan 4 – tudalen 16r
Chwedlau Odo
16r
meit o|r a bỽrcasser yngkam vot y kyth ̷+
reul megys y kath yn eisted yn baraỽt
y lyngku y pỽrcassỽr. ac am hynny gỽeỻ
oed vỽyta bara sych gan gytwybot da.
A nyan y gethlyd yỽ; dotwi a|wna
myỽn nyth y bỽrnet. ac eisted a
wna yr ederyn hỽnnỽ. ar wy y gethlyd
megys yr eidaỽ e|hun a chreu ederyn
o·honaỽ. a|e vagu a|wna yny vo maỽr a
chryf. A phan vo aeduet ef a chryf. ỻyng+
cu y vagyaỽdyr a|wna. ac veỻy y dieylch
ef y veithryn. Veỻy y mae ỻawer o|r
bobyl yn erbyn ac yn anhiryon y gỽn ̷+
ant drỽc ac anhiryonrỽyd y|r rei a|e ma+
gassant ac a|wnaethant udunt da yn
eu gỽendyt a|e tlodi. a|r rei hynny a
eỻir eu kyffelybu y ederyn y gethlyd.
E R aniueileit gynt a wnaethant
barlyment a chỽnsli. ac|yno yr
anuones y ỻyffant y vab. ac o|angkof a
thrabrys hebyrgofi y esgityeu a|oruc y
mab gartref. A phan|weles y ỻyffant
yr esgityeu medyaỽ* a|wnaeth pỽy a gaf+
fei yn|da y bedestric y|dỽyn y esgityeu y|ỽ
vab. a medylyaỽ panyỽ esguttaf oed yr
ysgyuarnaỽc. ac y gaỻei hi yn|da wneuthur
| « p 15v | p 16v » |