LlGC Llsgr. 3035 (Mostyn 116) – tudalen 112v
Brut y Brenhinoedd
112v
a hyny arderchaỽc oed o dỽy eglỽys arbenhic vn ohonunt
yn ardychafedic* yn enryded y vyl verthyr. a| chỽfent o
werydon yn talu molyant y duỽ yndi yn wastat dyd
a nos yn enrydedus vrdasseid. Araỻ oed yn enryded
y a·aron ketymdeith y| merthyr hỽnỽ a chofent yn hono
o ganonwyr reolaỽdyr Ac ygyt a hẏnnẏ y tryded eisted+
ua archescob a| phenaf yn ynys prydein oed Ac y·gyt
a hẏnẏ hefyt arderchaỽc oed a deu·cant yscol o athra+
ỽon a doethon a ednebydynt kerdedyat y| syr. Ac amrẏ+
faelon geluydodeu ereiỻ. kanys yn yr amser hỽnỽ y| ke+
nit yndi o| seith geluydyt A| r rei hynẏ trỽy gerdedyat
y syr a venegynt y arthur ỻawer o| r damweineu a
delynt rac ỻaỽ O| r achỽysson hynẏ oỻ y| mynỽys
arthur yno dala ỻys Ac odyna goỻỽg kenadeu drỽy
amryfaelon teyrnassoed gỽahaỽd paỽb a orucpỽyt
o teyrn·assoed freinc Ac omryfaelon ynyssoed yr eiga+
ỽn o| r a dylyynt dyuot y| r ỻys ~ ~ ~ ~
A c ỽrth y| wys hono y doethant yno Araỽn vab kyn+
uarch brenhin yscotlont. vryen y vraỽt brenhin
reget. katwaỻaỽn ỻawir brenhin gỽyned. Meu+
ruc brenhin gỽyned. kadỽr ỻemenic tywyssaỽc kernyw
Tri archescob ynys prydein. Archescob ỻundein. ac vn
kaer efraỽc A| dyfric archescop. kaer ỻion ar ỽysc A| phenaf
onadunt oed a| legat dan bab rufein Ac y·gyt a
hynẏ eglur oed o| e wassanaeth a| e vuched kanys
pop kyfryỽ glefyt o| r a vei ar dyn ef a| e gỽaredei
drỽy y| wedi Ac y·gyt a| hyny ỽynt a deuthant ty+
wyssogyon o| r dinassoed bonhedic nyt amgen. Mo+
rud iarỻ kaer loyỽ. Meuruc o gaer waragon ana+
raỽt o| amỽythic. kynuarch jarỻ kaer geint arthal
o|warwic
| « p 112r | p 113r » |