LlGC Llsgr. 3035 (Mostyn 116) – tudalen 123v
Brut y Brenhinoedd
123v
ac yn eu ỻad hyt pan ladassant vltei A| chadeỻ senedỽr.
Ac efander vrenhin siria A gỽedy kaffel o| r brytanyeit
y vudugolyaeth hono; ỽynt a anuonyssant y karcharo+
ryon hyt ym| pharis a rei a dalyassant o newyd ỽynt a| e
hymoelassant ar arthur eu brenhin o| e dangos gan a+
daỽ gobeith hoỻ hoỻ* vudugolyaeth idaỽ. Kanys nifer
mor vychan a hỽnnỽ a geỽssynt vudugolyaeth ar y
saỽl elynẏon hẏnnẏ ~ ~ ~ ~ ~ ~ ~
A Gỽedy gỽelet o| les amheraỽdẏr meint y goỻet ar
dechreu y| ryfel trỽm a thrist vu gantaỽ A| medyl+
yaỽ a oruc peidaỽ a| e darpar am ymlad ac arthur.
A mynet y dinas aỽuen y aros porth o newyd attaỽ y
gan leo amheraỽdyr A gỽedy kaffel ohonaỽ hynny
yn| y gygor. Y| nos hono ef a aeth hyt yn legris A gỽedy
menegi hynẏ y arthur ynteu a raculaenỽys y ford ef
a| r nos hono gan adaỽ y| dinas ar y| ỻaỽ asseu idaỽ. ef
a aeth hyt y myỽn dyffrynt y ford y kerdei les amher+
a·ỽdyr a| e lu Ac yno y| mynỽys ef bydinaỽ y| wyr Ac
ef a erchis y vorud iarỻ kaer loyỽ kymryt attaỽ leg
o| wyr a mynet ar neiỻtu yg gỽyrỻyỻ* A| phan welei
vot yn reit ỽrthunt. dyfot yn ganhorthỽy Ac odyna
y| nifer oỻ| y am hyny a a| ranỽys yn naỽ bydin. Ac
ym pop bydin o| r naỽ whegỽyr a wheugein a| wechant
a whe| mil. A| r rei hẏnẏ yn gyweir o| pop arueu. A ran
o| pop bydin yn varchogyon a| ran araỻ yn bedyd a
thywyssogyon y dyscu pop bydin yn| y blaen Ac y| r
vydin gyntaf y rodet araỽn vab kynuarch a| cha+
dỽr jarỻ kernyỽ vu yn| y corn deheu Ac araỻ yn| y
corn asseu. Ac y| r vydin araỻ y rodet gereint ga+
ranỽys a bodo o ryt ychen. Ac y| r drydet y| rodet.
| « p 123r | p 124r » |