LlGC Llsgr. 3035 (Mostyn 116) – tudalen 159r
Brut y Tywysogion
159r
aethant a galỽ yn·vydyon y achwanegu eu rif a|chyrchu
dros nos y wlat a|e llosgi a ỻad paỽb o|r a gaỽssant yndi ac
yspeilaỽ ereiỻ a|dỽyn ereiỻ gantunt yg|karchar ac eu gỽer+
thu. y eu dynyon neu eu han·uon yn rỽym y|r ỻogeu a gỽe+
dy llosgi y tei a ỻad a gaỽssant o|r annifeileit. a chymeint ac
a gaỽssant a dugant gantunt. ac a ymhoelassant ford gere+
digyaỽn ỽrth letyaỽ a thrigyaỽ a mynet a dyuot heb edrych
dim o achỽyson kadỽgaỽn noc o wahard y brenhin a rei o+
nadunt dreilgỽeith a oedynt yn kadỽ ford. yd oed henafgỽr
o|r flemhisseit yn dyuot idi a|elwit wiliam o vreban a|e
gyferbyneit a|wnaethant a|e lad. ac yna mynet o gadỽga+
ỽn gyt a joruerth y llys y brenhin y vynnu kael ym·didan
ac ef. ac val y|buant yna na·chaf braỽt y|r gỽr a|ladissit yn|y
ỻe yn menegi y|r brenhin ry|lad o|ywein a|e getymdeithon y
vraỽt. Pan gigleu y brenhin hyny gofyn a oruc y gadỽgaỽn
beth a|dywedy di am hyny. ny ỽn arglỽyd. Yna y|dywaỽt
y|brenhin. kany eỻy di kadỽ dy gyfoeth rac ketymdeithon
dy vab hyt na ladon vyg|gỽyr eilweith. mi a|rodaf dy gyfo+
eth y|r neb a|e kattwo titheu a drigyy gyt a|mi y·dan yr amot
hon yma na sethrych ti dy briaỽt wlat. a mi a|th|porthaf|i
di o|m hymborth di* yny gymerỽyf kygor ymdanat. a|r rodi
a oruc y brenhin pedeir ar|hugein idaỽ peunyd yg|kyfeir y
dreul ac yna y trigyaỽd heb dodi gefyn arnaỽ namyn yn
ryd y ford y|mynei eithẏr y|wlat e|hun. a gỽedy clybot o ywein
yspeilaỽ y dat o|e gyfoeth kyrchu jwerdon a oruc ef a madaỽc
ap ridit. a gỽedy hyny anuon a oruc y|brenhin at gilbert vab
rikert yr hỽn a oed deỽr molyanus gaỻuus a chyfeiỻt y|r
brenhin a gỽr arderchaỽc oed yn y hoỻ weithredoed erchi
| « p 158v | p 159v » |