LlGC Llsgr. 3035 (Mostyn 116) – tudalen 43v
Brut y Brenhinoedd
43v
y wyrda kygreiraỽ ar freinc val y kahei yn hedỽch ker+
det drỽydunt a|e lu hyt yn draeth flandrys y|r ỻe
yd oedynt eu ỻogeu yn baraỽt A gỽedy eu dyuot ẏ+
no hỽylaỽ yny doethant y ynys brydein. A|phan do+
ethant a|r whedyl at veli kynuỻaỽ a|wnaeth ynteu
y ieuentit* a deỽred ynys|brydein yn|y erbyn ef. A|phan
welas tanwen mam y gỽeisson y bydinoed yn cỽanaỽc
Ac yn baraỽt yn ymgyuaruot bryssyaỽ a oruc hitheu
drỽy ergrynedigyon gameu hyt y ỻe yd oed vran
y mab a oed damunedic genti y welet A noethi y dỽy
vron drỽy dagreu ac igyon Ac erchi idaỽ koffau y|mae
yn|y chaỻon y creỽyt yn dyn o beth nyt oed dim
Ac erchi y charedic vab koffau y poen a|r gofut a gaỽ+
sei yn|y ymdỽyn naỽ mis yn|y chalon. A chan hynẏ
erchi idaỽ madeu y vraỽt y ỻit a|r bar a oed gan+
taỽ ỽrthaỽ. kany wnathoed ef defnyd bar idaỽ eff
kanyt bely ry diolassei ef o|ynys brydein. namyn y
gamwed a|e aghymendaỽt e|hun. Pan duc brenhin
ỻychlyn am ben y vraỽt y geissaỽ y|digyuoethi. Ac
ar hẏnẏ sef a|wnaeth bran hedychu ac vuydhau o|e
vam a bỽrỽ y arueu a|dyuot hyt at y vraỽt. A|phan
welas beli vran yn dyuot drỽy arỽyd tagnefed diot
y arueu a wnaeth ynteu a mynet y ymgussanu eỻ
deu a|chymot y deulu a|dyuot ygyt hyt yn ỻudein*.
A c ym|pen yspeit gỽedy eu bot y·gyt yn ynys
prydein oc eu kytgygor y|kychwynassant parth
a freinc a ỻu dir·uaỽr gantunt. A|chyt bei drỽẏ
lawer o ymladeu y|kymheỻassant hoỻ dywysso+
gyon freinc yn wedaỽl darystygedic vdunt a|chan
vudugolyaeth ar freinc y·gyt ac ỽynt kyn pen y
| « p 43r | p 44r » |