LlGC Llsgr. 3035 (Mostyn 116) – tudalen 69r
Brut y Brenhinoedd
69r
a gormessoed a|bot sened rufein yn blinaỽ o dreulaỽ
eu da ac eu sỽỻt mor wastat a|hynẏ yn kerdet
mor a|thir Ac yn diodef agheuolyon perigleu dro+
stunt a bot yn weỻ gantunt dilyssu eu teyrnget
no hynẏ. Ac y·gyt a hyny bot yn jaỽnach vdunt
e|hunein kymryt dẏsc ac aruer o ymlad mal y
geỻynt amdiffẏn eu gỽlat ac eu gỽraged ac eu plant
ac eu goludoed ac eu|rydit. A|thros eu buched e|hunein
no dodi eu golut ac eu hymdiret yn wastat yg|gỽyr
rufein. A gỽedy daruot vdunt dywedut y·veỻy
ỽrth y brytanyeit erchi a|wnaethant dyuynu hoỻ
jeuentit* yny* brydein a|e hoỻ ymladwyr hyt yn ̷
ỻundein yn eu herbyn ỽynteu kanys yn mynu ym+
choelut y rufein yd oedynt drachefyn A gỽedy
eu dyuot yn ỻỽyr hyt yn ỻundein y gorchymyn+
ỽyt y|sulyen archescob ỻundein pregethu udunt
A menegi yr ymadrodyon yd oed wyr rufein y+
n|y adaỽ gantunt.
A megys hyn y dechrewis yr archescob y yma+
draỽd Ar·glỽydi heb ef kyt archer imi pre+
gethu iỽychỽi*. ys mỽy y|m|kymheỻir y ỽylaỽ
noc y dywedut pregeth ac ymadraỽd vchel rac
truanet genyf yr ymdiuedi a|r gỽander a|dam+
weinỽys yỽchwi. Gỽedy yspeilaỽ o vaxen ynys
prydein o|e marchogyon a|e hymladwyr Ac a dieg+
his ohonaỽch|i pobyl aghyfrỽys yỽch heb ỽybot
dim y ỽrth ymlad namyn yn achubedic o amry+
faelon negesseu a|chyfnywityeu a diwyỻodraeth
y dayar yn vỽy noc yn dysc ymladeu Ac ỽrth
hyny pan doeth aỽch gelynyon am aỽch pen
| « p 68v | p 69v » |