LlGC Llsgr. 3036 (Mostyn 117) – tudalen 91
Brut y Brenhinoedd
91
y mis guedy hynny; y cleuychỽys coel o ỽrthtrỽm
heint. A chyn pen yr ỽythuetdyd y bu varỽ. coel.
A Guedy marỽ coel; y kymyrth Constans cor+
on y teyrnas. Ac y kymyrth vn verch oed y
goel yn wreic idaỽ. Sef oed y henỽ; Elen. verch coel.
A honno uu elen luydaỽc. Ac ny chahat yn yr ynys+
soed a|gyffelypei idi o pryt a gosced. Ac nyt oed yg kel+
uydodeu a gỽybot a allei kyffelybu idi. kanys y|th+
at a|r|parassei y|dyscu uelly. ỽrth nat oed idaỽ etiued
namyn hi. mal y bei haỽs idi lywyaỽ y|teyrnas gue+
dy ef. A guedy kymryt o Constans elen yn wreic
idaỽ. Sef y ganet mab idaỽ o·heni. Sef y dodet ar y
mab Custenhin. Ac ym pen y deg mlyned guedy
hynny y bu varỽ Constans ac y cladỽyt yg kaer ef+
raỽc. Ac yd|edewis y|custenhin y vrenhinyaeth. Ac
ym pen ychydic o yspeit blynyded ymdangos a or+
uc Custenhin o vot yn·daỽ bonhed maỽr a dylyet.
Ac ymrodi y|haelder a dayoni. A guneuthur iaỽnder
yn|y arglỽydiaeth. Ac ymdangos mal lleỽ dywal y
rei drỽc. A megys oen guar y rei da.
AC yn yr amser hỽnnỽ yd oed gỽr creulaỽn en+
giryaỽl yn amheraỽdyr yn rufein. Sef oed
y enỽ maxen. A|r bonhedigyon a gywarsagei ac
arystygei o|gyffredin arglỽydiaeth rufein. Sef
naethant y bonhedigyon a|r dylyetdogyon hyn ̷+
guedy eu dihol o|r creulaỽn amheraỽdyr hỽnnỽ
nt o tref eu tat. dyuot ar gustenhin hyt yn ynys
| « p 90 | p 92 » |