LlGC Llsgr. Peniarth 11 – tudalen 271r

vnbennes heb·y paredur. ny thal|dim y medỽl hỽnnỽ. A|phe+

i|atueut gỽr di ual yr ỽyf|i ef a athoed dy diwed di ygyt a|r|ỻeiỻ.

ac os da gan duỽ ef a newitya dy uedỽl di etto. Gwir yỽ heb

hi o|r mynny di vyng|karu i mal y|dyly marchaỽc urdaỽl

garu unbennes dec uonhedic mi a|wnaf a|erchych di a|mi a

gredaf y|r gret y credy ditheu. Mi a wrantaf ytti heb·y pare+

dur ual yr|ỽyf gristaỽn i o|chymery di uedyd ar dy garu

di megys y car y neb a gretto y duỽ y ỻaỻ. ac ny cheissyaf|i

mỽy heb hitheu. ac yna hi a|beris mynet yn ol meudỽy san+

teid yr hỽnn a|oed yn|y fforest drỽy gyngreir. a hỽnnỽ a|doeth

yn vuan pan gigleu y chwedleu. Ac yna hi a|vedydywyt

a|hi a|e hunbennesseu. a pharedur a vu dat bedyd idi hi. ~

Joseph yssyd yn tystolyaethu panyỽ celester oed y henỽ hi

a ỻawen uu hi am y bedydyaỽ. a|hi a drosses y medỽl ar

da. a|r meudwy a drigyaỽd yno ygyt a|hi yn|hir yn|dysgu

idi pa|delỽ y credei y duỽ. ac ueỻy y bu y vorwyn honno yn

buchedocau yn·y vu uarỽ ~  ~  

P aredur a|gerdaỽd ymeith drỽy diolỽch y duỽ y cỽr+

teisi a|wnathoed am gannatau idaỽ oruot ar|gasteỻ

kyn greulonet a hỽnnỽ. a|e drossi y gret grist. a|marchogaeth

a|oruc ef yn aruaỽc yny doeth y wlat yr|honn yr|oed yndi cỽ+

ynuan uaỽr. ac yn dywedut yr oedynt. pei deuei ef yma ne+

ur|daroed idaỽ yn|distrywaỽ ni haeach. kanys neur|daruu

idaỽ oruot ar y casteỻ cadarnaf o|r wlat. a marchogaeth a|oruc