LlGC Llsgr. Peniarth 11 – tudalen 7v
Ystoriau Saint Greal
7v
y medylyeu hynny goỻỽng dagreu hidleit. A gỽedy hynny
ef a|dywaỽt. gỽalchmei heb ef tydi a rodeist ymi y dolỽr hỽnn
a|r tristyt. o|r achaỽs ny aỻaf vot yn|ỻawen vyth yny wypỽ+
yf pa|diwed a vo ar y|keis hỽnn. Arglỽyd heb y laỽnslot ny
dyly dy gyfryỽ ỽr di kymryt yn gyndrỽc a|hynny arnaỽ. na ̷+
myn gobeithaỽ yn|duỽ. A phei meir˄ỽ ueym ni yn|y keis hỽnn
mỽy o anryded oed yni hynny noc an meirỽ y|myỽn damchwe+
in araỻ o|r byt. Laỽnslot heb yr arthur nyt oed ryued im drist+
au. kany wydywn yn yr hoỻ vyt brenhin cristaỽn kyn amlet
y vilwyr da a|e varchogyon aruawc ac yttoedỽn i hediỽ y bore.
A C ar y|parabyl hỽnnỽ ny wydyat gỽalchmei y atteb
ef. kanys ef a|wydyat y uot yn|dywedut gỽir. Ac e ̷+
diuarhau yn vaỽr arnaỽ a|wnathoed pei tyckyei. Eissyoes
y parabyl hỽnnỽ a amlhaaỽd ym pob ỻe yny oed vỽy o|r ỻys
yn drist noc yn ỻawen. Pan|gigleu gwenhỽyvar hagen
hynny. nyt oed yna neb heb dristau o gỽbyl. ac yn enwedic
y rei a|oedynt wraged a gorderchadeu y gedymdeithyon y
vort gronn. ac nyt oed ryued udunt hynny. Ac yna gỽen+
hỽyuar a|o·vynnaỽd y vn o|r ysgwieryeit pỽy a|dechreuassei
gỽneuthur y|keis. ac a yttoed gwalchmei a|laỽnslot yn kyt+
duunaỽ a|hynny. Yttiỽ arglỽydes heb ef. gỽalchmei a|dech+
reuaỽd. a|laỽnslot yn ol hynny. A gỽedy hynny kỽbyl o|r|ỻe+
iỻ yn eu|hol ỽynteu. hyt na|thric yma neb o|gedymdeithyon
y vort gronn heb vynet ygyt yn|y keis hỽnnỽ. A|phan
gigleu gỽenhỽyuar hynny kymeint vu y dolur a|e thris ̷+
dit hi a|e morynnyon a|e gwragedda. ac y tebygessit y bu ̷ ̷+
| « p 7r | p 8r » |