LlGC Llsgr. Peniarth 15 – tudalen 111

y|llywenhaant megẏs na aller y|dywedvt O glẏwet. Ewẏllys ev klywe+

digaeth a|gaffant kannys wẏnt a|gaffant ac a|gymerant yr aroglev bone+

geidaf o ffynnyon yr hẏnawster ac o|r engẏlẏon a|r seint Ac a glyw+

ant armoni nef a|melys geinyadyaeth yr engylyon Ac organev

y seint Ewyllys ev blas a|gaffant kannys gwledev a|llewenẏd

a gymerant y|gwẏd dvw a|phan ymdangosso gogonnyant yr

arglwẏd y|caffant ev digoned Ac o|ffrwythlonder ty dvw y|me+

dwir wẏnt med y|proffwẏt Ewẏllys ev teimledigaeth a|gaffant yn|y mod

hwn ẏn|ẏ lle ẏẏ*|kẏvarvv ac wynt pob peth garw Ac calet ef a|gẏfervẏd

ac wẏnt pob peth yn glaer hynaws O|olvt y seint Pob ryw gyvoeth

a|golvt a|gaffant kannẏs yno y|gossodir wynt yn llewenẏd yr arglwẏd

yn veiri Ac yn vedyanvssyeit ar yr holl da. A llyna drẏthwch* y|seint

O jechẏt y|seint Jechyt moyssev nychdawt vydei hynnẏ yno kannẏs

y|hiechyt wẏ a|vyd y gann yr arglwẏd a|phei provit ev taraw nev y

brathv a heyrnn llivyeit ny bẏdei voẏ yr argywedei vdvnt hẏnnẏ noc

yr awr·honn y|paladẏr yr hevl A|llyna y|ryw iechẏt yw vn y|seint O

hoedyl y|seint hirhoedyl mathvssalem a|vedei* yno mal hir nychdawt anghev

kannẏs anghev a|ffẏ Racdvnt wẏ A|llyna y|ryw hirhoedli a|gaffant wẏ yn

medv tref tadaw* hoedyl o annyffigedic vvched a|llẏna daoed y corff ef megẏs

ffynnawnn o|dwfvẏr melẏs yn dadebrv llavvrwẏr sychedic wellẏ y|mae gei+

rev dẏ enev bendigeit yn llonẏddv vy eneit. i. Am doethineb y|seint Doethi+

neb selyf ynvẏtrwẏd vedei* hynny gantvnt wẏ amẏl doethineb yssyd gan+

tvnt wy yn|diogel kannẏs wynt a|wybydant pob gwybot a|phob kymhen+

nadaw o|dvw y|gwr yssyd ffynnawn y|pob doethineb wynt a|wybydant pob

peth o|r a|vv Ac yssẏd ac a|vo rac llaw wynt a|wybydant pob dyn o|r a vo

yn|y nef nev yn|ẏ daẏar nev yn|ẏ* vffernn A|e henwev a|e kennedyloed

a|e gweithredoed nac yn da nac yn drwc y|gwennaethant* ac nyt oes dim

a|allo ymgelv racdvnt kannys wynt a|welant pob peth yn hevl y wirio+

ned. Discipulus. Och meint o|dagrevoed trveni y|mae ffynnawn dẏ|hvolder di ẏn

kymell arnnaf|i ev gellwg a|wybyd yr holl seint a|wnnevthwm. i. yma

Magister. nyt kymeint Ac a|wnnevthost|i dy|hvn a|wybydant wy namyn a|vydy+

lyeist. Ac a|dywedeist na|thi nac arall nac ẏn da nac yn drwc y|bo. wynt

a|e gwẏbydant yn dyallvs Discipulus Beth yna a|dal kyfes. Ac edivarwch onny

dileir y|pechawt nev os y|seint a|wẏbẏddant yn gweithredoed dybryt ni

y|rei a|vydei wrthrwm gennym ni ev medylyaw. Magister. Beth a|arveigẏ* di

beth a|ofvynheẏ di ae ovyn ẏssẏd arnat ti dẏ gythrvdaw yno am dy

weithredoed O|r pechodev dybrẏttaf a|thrvanaf a|wnnevthost ti eiroet

Ac a gyffesseist Ac a|olchet trwy benẏt nẏ heneyd moe dy gewilẏd di