LlGC Llsgr. Peniarth 31 – tudalen 17r
Llyfr Blegywryd
17r
dir. megys y myỽn mechni. Y lle y tyghei y ma+
ch ar y seithuet gan wadu y vechniaeth oll.
yno y tỽng e|hunan gan wadu ran ac adef
ran arall o|r vechni. Tri mach yssyd. ny cheiff
vn o·honunt dỽyn y vechni ar y lỽ e hunan
kyn guatto ran ac adef ran arall o|r vechni; nyt
amgen no dyn a|el yn uach y gỽyd llys. A mach
diebredic. A mach kynnogyn. peth bynhac a
tygho y kyntaf; y llys a dyly tygu y gyt ac ef
neu yn|y erbyn. Yr eil neu y trydyd peth byn+
hac a tygho ar y seithuet o|e gyfnesseiueit y|tỽg.
kanys talaỽdyr o kyfreith uyd pop vn o·honunt.
Tri ryỽ tỽng yssyd; kadarnhau guir gan tygu
trỽydaỽ perued. Eil yỽ guadu geu gan tygu
trỽydaỽ perued. Trydyd yỽ tygu peth pedrus
herwyd kytỽybot. yr hyn ny ỽyper yn diheu
peth uo a|e guir a|e geu. O teir fford y dosperthir
braỽt kyghaỽs. kyntaf yỽ trỽy odef. kanys
godef a tyrr pop kyghaỽs. Os braỽdỽr a odef
gỽystyl yn erbyn y varn yn tagnouedus heb
rodi gỽrthỽystyl yna. dygỽydedic uyd y varn.
Eil yỽ braỽtlyfyr y rỽng deu ỽystyl. Sef yỽ
hynny. gỽystyl a rodher yn erbyn barn; a gỽ+
ystyl arall a rodher gyt ar varn honno. Try+
| « p 16v | p 17v » |