LlGC Llsgr. Peniarth 31 – tudalen 6v
Llyfr Blegywryd
6v
a geiff o aryant a del y gyt a gwestuaeu brenhinaỽl
Pan rodho y brenhin sỽyd y vn o|r sỽydocyon eithyr
y rei arbenhic yn llys; gobor a geiff y distein y gan+
taỽ. pedeir ar|hugeint aryant. Ac ef a geiff y gan
y pen kynyd croyn hyd yn hytref y wneuthur llest+
tri y gadỽ kyrn y brenhin a|e ffioleu. a hynny kyn
ranu y crỽyn rỽng y brenhin ar kynydyon. Croyn
ewic heuyt a geiff y gan y kynydyon ereill pan
y harcho o hanher wchefraỽr* hyt gwedy yr ỽyth+
nos gyntaf o vei. Distein a geiff kymeint a deu
ỽr o aryant y gwastrotyon. Ac ef o gyfreith a
geiff medyant yn|y gegin ar vedgell. ac ef bi+
eu gossot bỽyt yr brynhin. a seic uch llaỽ. a seic
is llaỽ yn|y teir gỽyl arbenhic. a heilaỽ ar y
brenhin ac ar y dỽy seic. Distein a geiff mant+
tell y pen teulu ym pop vn o|r teir gỽyl ar·ben+
hic. ac ef a geiff kyhyt a|e vys perued o|r cỽrỽf.
y ar y guadaỽt. Ac o|r bragaỽt hyt y kỽgyn per+
ued yr vn bys. Ac o|r med hyt y kỽgỽn eithaf.
y neb a ỽnel cam yg kynted y neuad os y diste+
in a|e deily; trayan y dirỽy neu y camlỽrỽ a ge+
iff. Ac y·uelly heuyt os is kynted y deily. O|r ym+
lad deu o|r sỽydocyon yn|y llys; y distein a geiff
trayan eu dirỽy. Distein bieu cadỽ trayan y
| « p 6r | p 7r » |