LlGC Llsgr. Peniarth 32 (Y Llyfr Teg) – tudalen 143
Llyfr Iorwerth
143
Gỽerth pob keing o|r manwyd; keinhaỽc.
Gỽerth y gỽyd; y berchennaỽc y|coet yd a.
Gỽerth ywen; dec ar|hugeint.
G ỽerth henỻeu; pedeir ar|hugeint. Gỽerth
kynteit; vn ar|bymthec. Gỽerth karỽ+
heit; deudec keinhawc. Y|dryded heit; wyth keinhawc. Yr heit gyn+
taf a|del o|r kynteit; deudec. keinhawc. Yr heit gyntaf a
del o|r garỽheit; ỽyth keinhawc. Yr heit gyntaf a|del o|r
dryded heit; pedeir keinhawc. heb ardrychafel. a honno
ny dyly heidyaỽ hyt gỽedy aỽst. a honno a|el ̷+
wir asgeỻheit. Gỽerth modrydaf y gỽenyn;
pedeir ar|hugeint. ac ueỻy y bydant hyt wyl
yr holseint. O galan gaeaf aỻan. henỻeu vyd
pob vn. a phedeir ar|hugeint vyd gỽerth pob
vn. dyeithyr asgeỻheit ny byd henỻeu hyt
galan mei. kanny|wys a|vyd byỽ hyt yna.
L lyma a|weles Jorwerth uab Madaỽc y
vot yn gryno y ysgriuennu. Gỽerth
y tei a|r dootrefyn. a|r kyuar. a ỻỽgyr yt.
Kyntaf yỽ onadunt. Pỽy bynnac a distry+
ỽho neuad brenhin; talet deu ugeint o bop
gauael o|r a gynhalyo y nenn. Sef yỽ hyn+
ny; chỽech colofyn. a phedwar ugeint ar y
nenn. a chweugeint ar bob vn o|r godei.
Ty mab uchelỽr; vgeint o bop gauael a gyn+
halyo y nenn. a deugeint ar y nenn. a thrugeint
| « p 142 | p 144 » |