LlGC Llsgr. Peniarth 32 (Y Llyfr Teg) – tudalen 193
Llyfr Iorwerth
193
kyfoet yn ỻe ỻedrat y damdygher yn|y ỻaỽ
gyntaf; nyt ar vessur ỻedrat y bỽrỽ y kyntaf
ef ar yr arwaessaf. ac ỽrth hynny y dichaỽn
ynteu mỽynhau y uach a|e wybydyeit.
T Ri dygyngoỻ kenedyl; vn yỽ ỻofrud
gỽedy talho y genedyl y|deuparth o|r
alanas. ac ynteu gỽedy ry dalu y traean hyt
yn oet vn geinhaỽc. ac am honno y lad o|e ely+
nyon. kyfreith. yỽ y lad am yr vn geinhaỽc honno.
ac ỽrth goỻi o|r genedyl eu da ac eu kar y ge+
lwir hỽnnỽ yn dygyngoỻ kenedyl. Eil yỽ;
gỽedy talo y genedyl eu rann o|r alanas. ac
na bo y|r ỻofrud dim a|dalo am y rann. a|e dehol
y wlat araỻ. ac ueỻy y coỻant eu kar. Try+
dyd yỽ; o|deruyd gyrru ar dyn lad araỻ. ac na|s
gỽatta kyt boet gỽirion. ac o achaỽs hynny
y lad; kyfreith. a|e gat. ac am lad eu car yn wirion
y mae dygyngoỻ kenedyl. Ereiỻ a|e geilỽ yn
oergỽymp galanas. Tri da nyt reit mach
arnunt; da y gan arglỽyd o|e wr. a da y gan
glaf o|e offeiryat. a|da y gan archoỻedic o|e
vedyc. O deruyd. y dyn damdỽg peth o ledrat yn
ỻaỽ dyn araỻ. a|r peth heb werth kyfreith. arnaỽ.
Ac ỽrth hynny keissaỽ o amdiffynnỽr y ỻeidyr
kyt talo y peth hỽnnỽ lawer y diffryt. kan+
ny dylyir dihenydyu neb am a|vo ỻei no gỽerth
| « p 192 | p 194 » |