LlGC Llsgr. Peniarth 33 – tudalen 43
Llyfr Blegywryd
43
n|ẏ reith. P·ỽy|bynnac a adefho o ga+
lanas ef a|e genedẏl a|talant ẏn gỽbyl
gỽerth sarhaed a|galanas ẏ|dẏn a|lather
Ac yn gẏntaf ẏ|tal ẏ|ỻofrud gverth sar+
haet ẏ|dẏn ẏ|r tat. ac ẏ|r vam ac ẏ|r bro+
dyr ac ẏ|r whiorẏd; Ac os gỽreigaỽc vẏd
ẏ|wreic a geiff ẏ|gan ẏ rei hẏnnẏ traẏ+
an gỽerth sarhaet ẏ gỽr. ~
G werth dẏn a|lather. ẏn teir rann
y|rennir ar yr rei a|e tat. a|e vam
a|e|vrodẏr. a|e|whioryd. A|r dỽẏ
rann ereill ar|ẏ genedyl; Y|rann gyntaf
vrẏ a|rennir yn teir rann vn ar|lloffur+
ud e|hunan A|r dỽẏ rann ereill ar|ẏ
vam. a|e tat. a|e vrodỽr* a|e whyorẏud*
Ac o|r gwẏr hẏnnẏ. kymeint a|tal pob
vn a|e|gilẏd. ac ỽellẏ o|r gỽraged. eithẏr
na|thal gỽric* namẏn kẏmeint a|han ̷+
her rann gỽr A|rann gyntaf honn;
y|vam. ac ẏ|tat. ac ẏ vrodẏr ac ẏ whi ̷+
orẏd ẏ|neb a|lather ẏ|telir a|e sarhaet
veỻẏ. kanẏ eỻir llad neb heb sarha+
et Ẏ dỽẏ rann a dodet o|r dechreu ar ̷
genedyl ẏ lloffurud; a|rennir ẏn teir
| « p 42 | p 44 » |