LlGC Llsgr. Peniarth 45 – tudalen 181
Brut y Brenhinoedd
181
gỽedy marỽ Emreis wledic. A bot wyn+
teu o|r aruoll oed rydunt ac ef. dechreu
ryuelu ar uthur pendragon. A gwahaỽd
attadunt y saesson a dothoed y gyt a phas+
ken. A gwahaỽd ereill o germania. Ac
gỽedy kynnullaỽ llu maỽr o·nadunt. ~ ~
Dechreu anreithaỽ y gỽladoed yn eu
kylch. A goresgyn y dinassoed ar kestyll
hyt yg caer efraỽc ac eu distryỽ o cỽ+
byl. Ac ual yd oedynt yn ymlad ar di+
nas. Na·chaf uthur pendragon yn dyfot
a|e holl gedernyt gantaỽ. ac yn ymlad
ac wynt. Ac gỽedy bot brỽydyr gal+
et y·rydunt. y kymhellỽyt y bryttan+
neit ar fo. Ac y herlidyỽys y saesson
hỽy hyt y mynyd damen tra barhaỽys
goleuat y dyd. Sef kyfryỽ le oed y my+
nyd. uchel oed. A chelli caregaỽc yn|y
pen. Ac yno y kyrchỽys y bryttanneit y
nos honno. AC gỽedy eu dyuot y gyt
Erchi kyghor a wnaeth y brenhin yỽ
henhafgwyr beth a wnelynt yn erbyn
y kenedyl oed yn|y kywarssagu yn gym+
eint a|hynny. AC yna y dywaỽt Gorle+
is iarll kernyỽ ual hyn. Canys hynaf
gỽr y kyghor oed ef. Arglỽyd heb ef
| « p 180 | p 182 » |