LlGC Llsgr. Peniarth 46 – tudalen 116
Brut y Brenhinoedd
116
soed y byt. a hynny a dywaỽt Juuenal
ỽrth Nero amheraỽdyr Ruuein. pan y
coffaỽs yn|y lyuyr ef. ti a geffy heb ef uren+
hin creulaỽn cadarn y|th erbyn o enys pryd ̷+
ein. a heb pedrus Gueirid adarweinidaỽc
oed hỽnnỽ. Nyt oed yn ymlad gỽr gadarn+
ach noc ef. Nyt oed ar hedỽch gỽr arafach.
Nyt oed un digriuach. Nyt oed yn rodi da
gỽr haelach. a guedy teruynu diewed y
uuhed. a|e uarỽ. y cladỽyt yg caer Gloeỽ y
myỽn temyl ry wnathoed e|hun yn anry ̷+
ded y Gloeỽ amheraỽdyr Ruuein.
Guedy marỽ Gueirid y doeth Meurvc y uab
yn urenhin. gỽr anryued y prudder a|e do+
ethineb oed hỽnnỽ. ac ym·pen yspeit guedy
y uot yn guledychu. y doeth rodric brenhin
y fychteit o scithia a llyghes vaỽr ganthaỽ.
hyt yr alban y|r tir. a dechreu anreithaỽ y
guladoed hynny. a dyuot a wnaeth Meur ̷+
uc yn|y erbyn a chynnulleitua uaỽr gan ̷+
thaỽ ac ymlad ac ef a|e lad. a guedy caffael
o veuruc y uudugolyaeth. dyrchauael ma ̷+
ỽren a wnaeth yn arỽyd caffael y uudugoly+
aeth o·hanaỽ ef. yn|y wlat a elwit o|e|enỽ ef
wintymar. sef yỽ hynny yg kymraec gỽys
Meuruc. ac yn|y maen hỽnnỽ yd ysgriuennỽyd
| « p 115 | p 117 » |