LlGC Llsgr. Peniarth 46 – tudalen 243
Brut y Brenhinoedd
243
nt. a dyuot y|r gogled y|r tir. a dechreu
anreithaỽ y gỽladoed. a|phan gigleu Em+
reis kynnuỻaỽ a|oruc ynteu hoỻ gedernyt
ynys. prydein. a dyuot yn eu herbyn. ac gỽedy bot
brỽydyr galet yrydynt. Trỽy nerth duỽ
y goruuỽyt ar y|saesson. ac y|ffoes pasken
ac a|dieghis o|e lu. ac ny lauassỽys ef eissoes
kyrchu germania yna. namyn trossi y hỽ+
ylyeu a|chyrchu iwerdon. ac yna y herbyn+
nỽys Giỻamỽri urenhin iwerdon ef yn ỻa+
wen. a datcanu a|wnaeth y trueni y Giỻ+
amỽri. ac adaỽ nerth a|wnaeth ynte+
u idaỽ. a chỽynaỽ a wnaeth yn+
teu am y sarhaet a|r caỽssei ef
y gan uthur pendragon a|e lu pan
doeth y iwerdon y kyrchu y Mein y treis
arnaỽ. AC ymaruoỻ a|wnaethant ar
dyuot y·gyt. ynys. prydein. y geissaỽ y goresgyn
ar tor Emreis wledic. ac gỽedy bot y
ỻongeu yn paraỽt. kychwyn a|wnaethant
a dyuot uynyỽ y|r tir. a phan clyỽs +
pỽyt hynny. yd aeth uthur pendragon
a|ỻu Maỽr gantaỽ hyt yg kymry
vrth ymlad ac wynt. Canys cleuy +
| « p 242 | p 244 » |