LlGC Llsgr. 24049 (Boston 5) – tudalen 81
Llyfr Blegywryd
81
TRi pheth nẏt reit atteb ẏ|neb ohon+
unt; vn ẏỽ; peth nẏ bo diebredic yn erb+
ẏn kẏfreith. Eil ẏỽ; gỽeithret y galler dan+
gos ẏ argẏỽed o gwneith ac ny dangos+
ser Trẏdẏd ẏỽ; collet nẏ wẏppo gwlat o
neb rẏỽ hẏsbẏssrỽẏd ẏ|r haỽlỽr ẏ|golli.
TRi rẏỽ diebrit ẏssẏd; vn ẏỽ. dỽẏn peth
ac nat atuerer dracheuen. Eil ẏỽ; adaỽ
argẏỽed ar dẏn neu ar|ẏ eidaỽ. heb wneu+
thur iaỽn na hedỽch ẏmdanaỽ. Trẏdẏd
ẏỽ; diebrẏt dẏn o|e dẏlẏet dros amser
ẏ|talu. O tri mod ẏ|kae kẏureith rỽg h ̷+
aỽlỽr ac amdiffẏnnỽr. Vn ẏỽ; o|golli ẏ a+
mser. A hỽnnỽ a damweinha o laỽer mod.
Eil ẏỽ; haỽl heb perchen. Trẏdẏd ẏỽ; ter+
uẏnu ẏ dadẏl kẏn|no hẏnnẏ. TRi ther+
uẏn kẏureithaỽl ẏssẏd; vn ẏỽ; teruẏn
o gẏuundeb ẏ|pleideu. Eil ẏỽ; teruẏn go+
ssodedic trỽẏ gẏmrodedỽẏr rỽg pleideu.
Trẏdẏd ẏỽ; teruẏnu trỽy varn. Teir da+
dẏl a|dẏlẏant eu iachau. ac eu barnu trỽy
detrurẏt gỽlat. ẏn erbẏn haerllugrỽyd;
Vn ẏỽ; dadẏl am venffic. neu wẏstẏl. neu
auel. ẏssẏd vn gẏureith. Eil ẏỽ; dadẏl ẏ bo
amdiffẏn ẏndi. neu ẏn amgen gwat
am tir. Trẏdẏd ẏỽ; dadẏl o wrthrẏmder
| « p 80 | p 82 » |