LlB Llsgr. Cotton Titus D IX – tudalen 10v
Llyfr Blegywryd
10v
Pan gymero braỽtỽyr y brenhin gobyr
am dadyl a varnont. ef a|geiff kymeint a|r
rann deuỽr o|hynny. Rỽg yr etlig a|r golofyn
yd eisted. Ny dyry ef aryant y|pennguastra+
ỽt pann gaffo march y gan y|brenhin. Y g+
an y|neb a|orffo pan vo amrysson cadeir
y keiff ef gornn bual. a|modrỽy eur. a|r
gobennyd a dotter y·danaỽ ynn|y gadeir. Pan
teruynner tir. pedeir ar|hugeint a|geiff
ef. Llennlliein yn wastat a geiff y gan y
vrenhines. O|r anreith a|dycco y|teulu
kynny bo ef gartref rann deuỽr a|geiff.
O|r dyỽeit neb ar|y|braỽdỽr varnv cam
varnn arnaỽ. Rodent eu deu ỽystyl ell deu
yn llaỽ y brenhin. ac os y braỽdỽr a|oruy+
dir. a|chyureith yscriuennedic yn dangos
y oruot. talet y|r brenhin ỽerth y|tauot.
a|e sỽyd. ac odyna na varnnet vyth.
Ny dylyir credu barnn. na|e chymryt rỽg
deu wystyl am vraut onnyt vn a dango+
ser yg|kyureith yscriuennedic. Braỽdỽr
herỽyd breint y|tir tra gynnhalyo y|tir.
breint braỽdỽr a|gynneil ef trỽy y|tir.
Sarhaet braỽdỽr sỽydaỽc herỽyd bre+
int y sỽyd y|telir idaỽ. Sarhaet hagen
braỽdỽr heb|sỽed. namyn trỽy vreint
| « p 10r | p 11r » |