LlB Llsgr. Cotton Titus D IX – tudalen 23v
Llyfr Blegywryd
23v
atto llad dyn y|myỽn lluyd. talet wheuge+
int. ar* rodet lỽ degỽyr a deugeint. Y neb a|ỽ ̷+
nel kynnllỽyn. talet dirỽy deudyblyc y|r bre+
nhin. a gỽerth y dyn yn deudyblyc a|telir
y|r genedyl herỽyd breint y|dyn.
O Naỽ affeith tan kyntaf yỽ; kyghori
mynet y losci. Eil yỽ; duunaỽ a|r|neb
a losco. Trydyd yỽ; mynet yg|ket ̷ ̷+
ymdeithas y|neb a|losco hyt y|lle y|lloscer.
Petỽeryd yỽ; ymdỽyn yr|rllỽyll. Pymhet
yỽ; llad y|tan. Whechet yỽ; keissaỽ dilỽyf.
Seithuet yỽ; chỽythu y|tan hyny ennynho.
Wythuet yỽ; Rodi y|tan y|r|neb a|losco ac
ef. Naỽuet yỽ; edrych ar|y|llosc gan|y
o·def. Pỽy|bynnac a|ỽatto vn o|r affeitheu
hynn. Rodet lỽ degỽyr a|deugeint. Y neb a
latho tan neu a|e chỽytho hyny ennynho.
neu a|rodho tan y|r neb a|losco ac ef. Hanner
y|collet a|ỽnel y|tan hỽnnỽ a|daỽ arnaỽ ef.
a|r hanner arall a|dyscyn ar|y|neb a dotto
y|tan y|myỽn yr hynn a|loscer. a|hỽnnỽ
yỽ cỽbyl weithret llos*. Ony|byd neb yn ̷
affeithaul ygyt ac ef. talet e|hunan oll
a del o|r llosc hỽnnỽ o gollet. onny|dichaun
ymdiheuraỽ trỽy reith gỽlat.
| « p 23r | p 24r » |