LlB Llsgr. Cotton Titus D IX – tudalen 40v
Llyfr Blegywryd
40v
dyd yỽ; pan ballo y warant y|r dyn a e ga+
lhỽo ynn dadyl treis. O tri mod y kyll dadyl
treis y breint mỽyhaf. vn yỽ o|ballu tei+
thi treis ac o|tystolyaeth vyỽaỽl yn dadyl treis ~. ac o|gỽynnyaỽ o|haỽlỽr dỽyn
o|e eidaỽ ef yr hynn a|ducpỽyt y treis
rac arall. ac nyt y|gantaỽ ef. nyt mỽy
hagen y|reith ynn|y tri phunc hynn. no
llỽ tri dyn. ac nyt mỽy y|dial no|their
bu camlỽrỽ. Onny ellir y wadu yn gỽbyl
neu y amdiffynn. Un o|tri a gyll y|neb
a|treisser. ae dyn. ae|tir. ae da arall ky ̷+
chỽynnaỽl. ae|y|vreint. TRi ryỽ amdiff+
ynn yssyd; vn yỽ. na wrthepper yn amss+
eraỽl y|r gouyn. Eil yỽ; amdiffynn hyt
nat attepper vyth yr haỽl. Trydyd yỽ;
amdiffynn gan atteb mal na choller
dim yn|yr haỽl. TRi pheth nyt reit att+
ep y|neb ohonunt. vn yỽ; peth ny bo di+
eberedic yn erbin kyureith. Eil yỽ; gỽ+
eithret y galler dangos y argyỽed o|r
gỽnneir. ac ny dangosser. Trydyd yỽ;
collet ny wyppo gỽlat o|neb ryỽ hyspy+
srỽyd y|r haỽlỽr y golli TRi ryỽ diepryt
yssyd; vn yỽ; dỽyn peth ac nat uerer*
dracheuen. Eil yỽ; adaỽ argyỽed ar
dyn neu ar|y|eidaỽ heb wneuthur iaỽn
| « p 40r | p 41r » |