Llsgr. Caerdydd 1.362 (Hafod 1) – tudalen 81r
Brut y Brenhinoedd
81r
kymyrth ef arueu gyntaf. A gỽedy dyuot ar+
thur y traeth llychlyn. Nachaf Rikỽlf a llu
maỽr ganthaỽ yn dyuo* yn|y erbyn. a gỽedy
gollỽg llawer o greu a gỽaet o pop parth y
llas rikỽlf a llawer y gyt ac ef. ac y kauas
arthur y vudugolyaeth a dechreu dodi tan yn|y
dinassoed. Ac ny orffowyssỽys arthur a lu yny
daruu vdu* gorescyn llychlyn a denmarc. ac eu da+
restỽg ỽrth arglỽydiaeth arthur. Ac yna y gossodes
arthur leỽ vab kynuarch yn vrenhin yn llychlyn
Ac odyna yd aeth arthur a|e lu hyt yn ffreinc a dech+
reu anrethaỽ* y gỽladoed o bob parth vdunt. ac
yn|yr amser hỽnnỽ yd oed ffrollo yn tewyssaỽc yn
ffreinc dan les amheraỽdyr rufein yn llywyaỽ yn
ry trythal*. A gỽedy clywet o ffrollo dyuodedigy+
aeth arthur. ac yd oed ny wneuthur ar ffreinc. kyn+
nullyaỽ holl uarchogyon ffreinc a oruc. a dyuot
yn erbyn arthur a dechreu ymlad. Ac ny allaỽd
ffrollo seuyll yn|y erbyn. kans kymeint oed lu ar+
thur ac nat oed haỽd eu gossot myỽn rif. rỽg
ynys prydein ar enyssed ereill a|waryscynassei
A ran oreu o wyr ffreinc oed heuyt y gyt ac ef.
A gỽedy gỽelet o fforllo y syrthyaỽ yn|y ran
waethaf o|r ymlad. Adaỽ y maes a oruc. Ac y*+
llydic o nifer kyrchu paris. A gỽedy ymgynull+
aỽ a|oruc y ffoedigyon lu attaỽ a chadarnhau
y dinas ar veder|y gynhal yn erbyn arthur A
thra yttoed ffrollo yn aros porth attaỽ nach+
af arthur yn dyuot yn deissyuyt am pen y gaer
| « p 80v | p 81v » |