Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 63v
Ystoria Lucidar
63v
sam ni yr vn o·nadunt ỽy. etwa ny aallỽn ni
kyffelybrỽyd amdanunt ỽy. Namyn deu ryỽ
trueni yssyd. vn yssyd lei yn|y byt hỽnn. Ac
arall yssyd voe yn vffernn. A channys peunyd
y|prouwn ni y|neill onadunt. ni a|ỽdam hagen
rodi kyffelybrỽyd am|yr honn a|brouet. megys
pei dottit hayarnn tanllyt gỽynnyas ar|benn
y|ryỽ dyn. Ac yna y|deuei dolur drỽy bop aelaỽt
idaỽ. Velle ygỽrthỽynneb y|hynny y|caffant
ỽy y|llỽyr eỽyllys ym|pob aelaỽt vdunt o|ve+
ỽn. Ac odieithyr. eỽyllys dyn yman yỽ gỽe+
let llaỽer o|wyr a gỽraged tec. edrych ar adeila+
deu rac eglur. A gỽiscoed maỽrỽeirthaỽc. Gỽa+
ranndaỽ keinadaeth velys. Ac ymadrodyonn
kysson. A|thelynev. a|saỽtringhev. a|ffibeu. A|cher+
dev ereill. ac aroglev ystor. a|llysseuoed. ac
amrauael ireitteu gỽerthuaỽr. a|digrifhav o
amryỽ wledeu. Teimlaỽ pethev clayr medal.
Medu ygyt a|hynny llaỽer o olut. Ac amraua+
elon doodreuyn. a|thlysseu. A hynny oll a|uyd
vdunt ỽy hep deruyn vyth arnunt. Owi o|r
eỽyllys a|geiff y golỽc yna. kystal y|gỽyl y lly+
geit yna yn gayat ac yn agoret. A chystal y
gỽyl pob ar|llygeit yna. ỽynt a|ỽelant bren+
hin y|gogonnyant yna. yn|y degỽch a|e anryded.
| « p 63r | p 64r » |