LlGC Llsgr. 3035 (Mostyn 116) – tudalen 79r
Brut y Brenhinoedd
79r
a hỽnnỽ. Sef a gaỽssant yn eu kygor ymlad ac ỽynt
kyn eu dyuot y|r tir a diffryt y porthuaeu racdunt
A gỽedy anuon o|e verch attaỽ y·nteu hyny Sef a oruc
ynteu ystyryaỽ bredychu y brytanyeit drỽy arỽyd
tagnefed Ac anuon ar y brenhin y venegi idaỽ nat yr
keissaỽ trigyaỽ yn yn* ynys. prydein. y dothoed y saỽl nifer hỽnỽ
y·gyt ac ef. namyn o tebygu bot gỽerthefyr etwa yn
vyỽ. yr|dugassei ef gantaỽ o|e amdiffyn racdaỽ A|r ni+
fer a vynho gỽrtheyrn o·nadunt attalet yn wyr idaỽ
Ac a|r nys myno eỻyget y ymdeith yn dianot A gỽedy
datkanu hyny y|r brenhin rodi tagnefed vdunt Ac erchi
y|r kiỽdaỽtwyr ac y|r saeson duỽ kalan mei a oed yn a+
gos vdunt dyuot ygyt hyt y|maes kymry y eu tagne+
fedu ac y|wneuthur eu kymot Ac aruer a wnaeth hen+
gyst yna o|newyd geluydyt bratỽryaeth a|thỽyỻ. Ac
erchi y|pop vn o|e wyr dỽyn kyỻeỻ hir gantaỽ y|myỽn
y|hossan gyt a|e eskeir. Ac yna pan vei dibryderaf gan y
brytanyeit yn gỽneuthur eu dadleu rodi arỽyd o hen+
gyst. Sef oed yr arỽyd. Nymyth aỽr saxys. A|phan dywet+
tei yr arỽyd hỽnỽ. kym·ryt o|pop vn o·nadunt y gyỻeỻ
a ỻad y brytỽn nessaf idaỽ. Ac yn|y dyd teruynedic
a|r amser gossodedic ỽynt a doethant paỽb yn|y gyfeir
onadunt A gỽedy dechreu y dadleu a gỽelet o hengyst
yr aỽr a vu amken* gantaỽ Ef a dywaỽt o hyt y lef
Nymyth aỽr sexys A sef oed hyny kymerỽch aỽch kyỻ+
eiỻ. Ac ar hyny sef a|wnaeth y|saesson dispeilaỽ eu kyỻ+
eiỻ. A|chyrchu tywyssogyon y brytanyeit Jeirỻ a bar+
ỽnyeit a|marchogyon vrdaỽl Ac eu ỻad megys defeit
Sef nifer a|las yna rỽg tywysogyon a gỽyrda ereiỻ
tri vgein wyr a|phetwar|canỽr Ac yna y kymerth eidal
| « p 78v | p 79v » |