LlGC Llsgr. 3036 (Mostyn 117) – tudalen 226
Brut y Brenhinoedd
226
A dispeilaỽ cledyf arnaỽ. a llad y pen. Ac yn gyflym
caffel eu meirch. Ac eu herlit a oruc guyr rufein
udunt y geissaỽ dial eu gỽr arnadunt. Sef a| wna+
eth Gereint ymchoelut ar y gỽr oed nessaf idaỽ yn| y
odiwes. A|e wan a guayỽ trỽydaỽ perued a thrỽy
y holl arueu. hyny yttoed yr llaỽr yn uarỽ. A chyg+
horuynnu a oruc boso o ryt ychen am ry lad gỽr
o pop vn o|e deu getymdeith ac ynteu etwa heb lad
vn. Ac ymchoelut a| wnaeth ynteu ar y nessaf idaỽ.
A|e uỽrỽ yr llaỽr guedy y urathu yn agheuaỽl. Sef
a| wnaeth marchell mut erlit gualchmei yn diuud+
yaỽc. Ac val yd oed yn ymodiwes ac ef. ymchoelut
a| oruc gualchmei arnaỽ a| llad y| pen. A gorchymyn
idaỽ ot ymgaffei a Gaius yn uffern menegi idaỽ
bot yn hỽy cledyueu y brytanyeit noc eu tauodeu.
Ac ymchoelut a| wnaeth y| getymdeithon a llad o pop
vn onadunt y gỽr nessaf oed idaỽ. Ac yr bot guyr
rufein oc eu holl diheỽyt yn eu kywarsagu. hỽy
ny allassant eissoes nac eu llad nac eu bỽrỽ. Ac val
yd oedynt yn dyuot parth a| llỽyn coet. nachaf whe
mil o|r brytanyeit yn dyuot yn ganhorthỽy udunt.
guedy ry| glybot bot erlit ar eu kennadeu. Ac yn di+
annot dodi gaỽr ar wyr rufein. Ac eu kyrchu yn dei+
ssyuyt. Ac eu kymhell ar ffo. Ac odyna eu herlit
gan uỽrỽ rei a daly ereill. Ac ar hynny y deuth pe+
trius senadur a deg mil o wyr aruaỽc gantaỽ y
ganhorthỽyaỽ guyr rufein. Ac odyna y kymhell+
| « p 225 | p 227 » |