LlGC Llsgr. Peniarth 11 – tudalen 129v

A|r vnbennes ar dal y deulin geyr bronn yr aỻaỽr yn gỽediaỽ

duỽ dan|wylaỽ. A gỽedy daruot idi wylaỽ talym a gỽediaỽ k*+

vodi y vyny a|oruc. Ac yna gỽalchmei a|gyuarchaỽd gỽeỻ

idi. ual|hynn. dyd da a rodo duỽ ytt vnbennes. Ac y titheu yn

wastat y kyfryỽ heb hitheu. Ef a|welir ymi heb·y gỽalchmei

nat ỽyt lawen di. Jaỽn yỽ ym hynny heb hi. kanys agos ỽyf

a|m|didreftadu. kanys nyt yttỽyf yn damweinyaỽ ar|yr hynn

yr|ỽyf yn|y geissyaỽ. beỻach ef a vyd reit ym vynet y gasteỻ y

meudỽy du y dỽyn y penn racko yno yssyd ar|vyng|kyfrỽy.

kanys yn amgenach ny edit ym vynet drỽy y fforest honno

heb gewilydyaỽ vyng|korff. a|hỽnnỽ vyd tal udunt dros vy

fford i. gỽedy hynny mi a|af y geissyaỽ morynyon y gadeir. ac

y·gyt ac ỽynt y kerdaf y bop ỻe. ac ar hynny y dechreuaỽd y

meudỽy yr offeren. a|gỽalchmei a|r vnbennes a|e gỽarandaỽ+

aỽd. A|phan|daruu y|r meudỽy ganu yr offeren. eu kennat a

gymerassant. a gỽalchmei a gerdaỽd o|r neiỻ parth. a|r vnben+

nes o|e fford hitheu. ac ym·annerch a|orugant. Yma y|mae

yr ymdidan yn tewi am yr vnbennes. ac yn ymchoelut ar walchmei.

G walchmei yna a gerdaỽd racdaỽ drỽy y fforest dan we+

diaỽ duỽ ar y danuon tu a|r|fford a|gyrchei y lys bren+

hin peleur. Ac ual y bydei wedy marchogaeth hyt am hanner

dyd. ef a|welei was ieuanc tec dan vric penn gỽedy disgynnu.

Ac yr|aỽr y doeth gỽalchmei attaỽ y rassaỽu a|oruc y gỽas. yna

gỽalchmei a|ovynnaỽd y|r gỽas pa le y mynnei y|vot Mi a vum

yn keissyaỽ y gỽr bieu y fforest honn yma. Pỽy bieu hitheu

heb·y