LlGC Llsgr. Peniarth 18 – tudalen 40v
Brut y Tywysogion
40v
dỽeit ynn kyscu. dianc a|oruc. Ac ychydic o|niuer
ygyt ac ef. hyt ynn llys brenhin ffreinc y|hỽe+
grỽn. Yg|kyfrỽg hynny yd anuones hyỽel y|vap
hyt at hyr hen urenhin tu draỽ y|mor ar vedyr
trigyaỽ yn|y llys. A gỽassanaethu ar y|brenhin
a|haedu ketymeithas y|brenhin a uei uỽy. Val y
gallei y brenhin ymdiret y|rys a uei uỽy. Ar bren
hin a aruolles y|map yn anrydedus. A|diruaỽr dio+
olch a|ỽnaeth y|rys. Ac yna aflonydu a|oruc y
brenhin ieuanc ar gyuoeth y|tat trỽy nerth y|hỽe+
grỽn. a|thybaỽt iarll byrgỽyn. a iarll flandrys.
A|thra vyd y|brenhined yn amrysson velle tu draỽ
yr mor y|dechreuaỽd ioruerth ap yỽein o gỽynllỽg
ymlad a chaer llion y|pymthecuettyd o galan aỽst.
duỽ merchyr. Ac y gostygaỽd y dreis o|e rym a|e
nerth dyỽ sadỽrnn. ỽedy hynny gỽedy daly dyỽ
gỽener y|dyd kynn o hynny y|gỽyr a|oed yn ca+
dỽ yr bayli. a|throstunt ỽynteu trannoeth y
rodet y castell. a gỽedy hynny yr eildyd ar|bym+
thec o vis medi y|kyrchaỽd hyỽel uap ioruerth y
went is coet. a|thrannoeth dyỽ gỽener y|darestyg+
aỽd yr holl ỽlat. eithyr y kestyll. ac y kymerth
ỽystlonn o|ỽchelỽyr y|ỽlat. Yn|y ulỽydyn honno
y|goresgynnaỽd dauid ap yỽein. gỽyned idaỽ e|hun.
ynys uon ỽedy dehol ohonaỽ vaelgỽyn ap yỽein
y vraỽt hyt yn iỽerdon. Y|vlỽydyn racỽynep
| « p 40r | p 41r » |