LlGC Llsgr. Peniarth 18 – tudalen 47r
Brut y Tywysogion
47r
uolles holl ỽyrda lloegyr. a holl tyỽyssogyon kym+
ry y gyt yn erbyn y brenhin hyt na mynhei
neb onadunt hep y|gilyd y gann y|brenhin na he+
dỽch na chyfundeb na chyghreir yny talei ef yr
eglỽysseu y kyureitheu a|e teilygdaỽt a|dugassei
ef a|e ryeni kynn o|hynny y|gantunt. Ac yny ta+
lei heuyt y|ỽyrda lloegyr. A chymry y|tired ar ke+
stell a|gymerassei ỽrth y eỽyllys y|gantunt. hep
na gỽir na chyureith. A gỽedy y|dyscu o archescop
keint ac escyb. lloegyr. a|e ieirll a|e barỽnyeit velle
a gouyn idaỽ a|rodhei yr|hen gyureitheu da yr te+
yrnnas. y gomed a oruc. A herỽyd y dyỽespỽyt.
rac y|houyn hỽy kymryt croes a|oruc. Ac val
kynt y|kyuodes y|gogledỽyr yn|y erbyn o|r neill
tu ar kymry o|r tu arall. Ac yn|y vrỽydyr gynn+
taf y|goresgynnaỽd y|gogledỽyr y arnaỽ dinas
llundein. Ac yna y|kyrchaỽd llyelyn ap ioruerth ar
kymry y amỽythic. a|hep ỽrthỽynebed y|rodet
idaỽ y|dref. ar castell. Ac yna yd anuones gilys
o|breỽys mab y|ỽillym breỽys. robert y|vraỽt
y|vrecheinaỽc. A|e gymryt yn anrydedus a|ỽnaeth
gỽyrda brecheinaỽc idaỽ. A chynn penn y|tri dieu
y|goresgynnaỽd castell penn kelli. Ac aber gef+
enni. Ar castell gỽynn. Ac ynys gynỽreid. Ar
gilys vry a oed escop ynn henfford. Ac a|uuassei
vn o|r aruollỽyr kyntaf yn erbyn y brenhin. Ac
| « p 46v | p 47v » |