LlGC Llsgr. Peniarth 32 (Y Llyfr Teg) – tudalen 177
Llyfr Iorwerth
177
T RJ chadarn byt; arglỽyd. a drut. a didim.
Sef achaỽs yỽ; maen tros iaen yỽ arglỽyd.
a|drut yỽ dyn ynuyt. ny eỻir kymheỻ dim arnaỽ
namyn y ewyỻys. a didim yỽ dyn heb da idaỽ.
ac ỽrth hynny ny eỻir kymheỻ da ỻe ny bo.
O|deruyd. y wreic dywedut ar wr na aỻo bot gen+
thi. ac o hynny mynnu yscar ac ef. Jaỽn yỽ
proui ae gỽir a|dyweit. Sef mal y prouir; tan+
nu ỻenỻiein newyd olchi y·danadunt. a mynet
y gỽr ar warthaf honno y uot genthi. a phan
del y ewyỻys; y oỻỽng ar y ỻenỻiein. ac o|dicha+
ỽn hynny; dogyn yỽ. Ony|s dichaỽn ynteu y
wreic a eiỻ yscar ac ef heb goỻi dim o|r eidi.
Dylyet y kygheỻaỽr yỽ; seuyỻ. a bot yn ỻe
y brenhin. yn|y wyd. ac yn|y apsen ym·pop peth.
a chroes yỽ y groes. a gỽahard yỽ. y wahard.
Ac ef a dyly y gan y brenhin; modrỽy eur. a
thelyn. a thaỽlbort pan estynher y sỽyd idaỽ.
ac ynteu a dyly eu cadỽ ỽy tra vo vyỽ. Pedỽ+
ar|dyn y mỽynheir y kỽyn a|del attadunt. Maer.
a chygheỻaỽr. a righyỻ. a Maer bisweil. Tri
argae gỽaet; gỽaet hyt rann. a gỽaet hyt
gỽỻ. a gỽaet hyt laỽr. O|r deu y bydir digỽyn
ny|dylyir dim. am y trydyd ot enỻibyir ef a
dylyir am waet·len y daear o·honaỽ. o chỽynir
ynteu am bop vn y dylyir dirỽy. Tri argae
| « p 176 | p 178 » |