LlGC Llsgr. Peniarth 32 (Y Llyfr Teg) – tudalen 98
Llyfr Iorwerth
98
gorwlat. namyn pythewnos a mis. Yn|y wlat e
hun ryd vyd idaỽ luyd pan vynho. Ny dyly mei+
byon eiỻyon y brenhin. y borthi na phorthi y deulu.
ac ỽrth hynny ny dylyant ỽynteu na|e mel na|e
pyscaỽt. namyn y rodi y lys y brenhin. ac ef a dy+
ly gỽneuthur coredeu ar eu dyfred. a ỻad eu bydaf ̷+
eu. Un o|r meibyon eiỻon a|dyly bot yn vaer
bisweil. ỽynt a dylyant rodi pyn·ueirch y|r brenhin.
yr ỻuydeu. ac a dylyant anrydedu yr arglỽydes
un·weith bop blỽydyn ar vỽyt a|ỻynn. ac a|dyly+
ant borthi y kỽn a|r kynydyon a|r hebogydyon
a|r macỽyeit pob vn onadunt vn·weith bop blỽ+
ydyn. ac o|r byd aỻtudyon gwlat araỻ y|ghyuo+
eth y brenhin. ac yn wyr idaỽ; ae yn arhos gỽynt
ae ym petheu ereiỻ. ef a dyly eu gossot yn|dof+
reth ar y meibyon eiỻyon os mynn. a|r aỻtudy+
on hynny a|dylyant a dangossont o da pan del+
hont y|r tyr y gaffel oỻ pan delhont o·honaỽ. ac
o|r kyỻ dim y dalu udunt dyeithyr tri|pheth a
dylyant y gadỽ ganthunt nos a|dyd. Sef rei
ynt. eu ỻodreu. ac eu cledyfeu. ac eu menyc. ac
ny|dylyant eighaỽ namyn y nos gyntaf o|r
kaffant vara ac vn enỻyn. Meibyon eiỻon y
brenhin a|dylyant wneuthur seith tei y|r brenhin.
neuad. a bỽytty. a chegin. a hundy. a marchty.
a chynorty. a thy bychan. Y brenhin. a|dyly o bop
| « p 97 | p 99 » |