LlGC Llsgr. Peniarth 35 – tudalen 10v
Llyfr Cynog
10v
y ach a|e eturyt ac yny tynghont y uot yn
iaỽn ac yn wir. Ac ony|s tyg·ant cayedic
uyd kyfreith. idaỽ yny tynghont Os tyg·ant. yr
amdiffynnỽr a dyly dodi ardelỽ kyfreithaỽl o|r byd
gantaỽ. A|e o ỽydwaled kywlat a|e kargych+
wyn. A|e o ardelo* arall kyfreithaỽl o byd yn erbyn
yr haỽlỽr hyt na dylyher y warandaỽ a ga+
llel o·honaỽ proui yr ardelỽ hỽnnỽ trỽy
tyston adỽyn. Ny aller na llys nac am+
heu arnunt. Cayedic uyd kyfreith yr haỽlỽr
ony|s geill ynteu agoredic uyd idaỽ. ~ ~
[ ac yna y dyly yr haỽlỽr dangos y haỽl
ac y dyly yr amdiffynỽr dangos y .
amdiffyn. A|e wat. A|e adef. A hỽnnỽ
a elwir gwir. a kyfreith. Ar dyd hỽnnỽ y kyll
y neill y haỽl ac y keiff y llall. Ar dyd hỽn+
nỽ y dylyant rodi gỽystlon ar tanghe+
ued tylluedaỽc. [ Ac os un o·nadunt
pan uo haỽl ac atteb y| ryngtunt a| tysta
ar y llall. Ac eturyt o|e tyston eu tystolla+
eth yn da ac na aller na llys nac am+
heu arnadunt. yr ygnat a| dyly
barnu yr neb y tystaỽd cael. Ac yr llall
colli. OS llyssu y| tyston a ellir Barnu
idaỽ colli. Ac yr llall cael. [ O deruyd
| « p 10r | p 11r » |