LlGC Llsgr. Peniarth 45 – tudalen 121
Brut y Brenhinoedd
121
Ac o|r wreic honno y bu tri meib. Sef oed y rei
constans ac emreis wledic. Ac uthur pendra+
gon. Ac yna y rodes ef constans y mab hyn+
haf idaỽ y manachloc amphibalus yg caer
wynt ar uaeth ac y wneuthur yn uanach. Ar
deu uab ereill a|rodet ar uaeth at cuhelyn
archesgob llundein. Ac ym penn y deudeng
mlyned gwedy hynny y doeth un o|r fichty+
eit ar uuassei ỽr idaỽ kyn no hynny. A galỽ
y brenhin attaỽ megys y gyfrỽch yn lle ys+
gyualaf. Ac gwedy gyrru paỽb y ỽrthunt
y lladaỽd y brenhin a chyllell; ~ ~ ~ ~ ~ ~ ~ ~ ~ ~ ~
AC gỽedy llad Custennin uendigeit
y kyuodes anuundab rỽng gwyrda y
teyrnas am wneuthur brenin. Canys rei
a|uynynt wneuthur emreis wledic yn urenin.
Ereill a|uynnei wneuthur uthur penndragon
Ereill a|uynnei wneuthur un oc eu kenedyl
ac gỽedy na duunỽyt am dim. Sef a oruc
gortheyrn gỽrtheneu iarll oed hỽnnỽ ar
went ac erging ac euas ỽrth keissaỽ idaỽ e
hun y urenhinaeth o|r diwed. Mynet hyt
yng kaer wynt lle yd oed constans yn uynach y
mab hynaf y Custennin oed hỽnnỽ. A dy+
wedut ỽrthaỽ ual hyn. Constans heb ef
Dy dat ti yssyd uarỽ. Ath urodyr yssyd ry
| « p 120 | p 122 » |