LlGC Llsgr. Peniarth 45 – tudalen 61
Brut y Brenhinoedd
61
o|m tebic neur deryỽ udunt digenedlu y
ỽrthym ni. Cany ỽdant beth yỽ milỽr+
yaeth. ỽrth eu bot ym myỽn eigaỽn o+
dieithyr y byt yn pressỽylyaỽ. Ac ỽrth hyn+
ny heb ef tebygaf ui haỽd yỽ eu kymhell
y talu teyrnget y ruueinyaỽl amherodra*
megys y tal yr holl uyt. Ac eissoes heb ef
iaỽn yỽ anuon y erchi teyrnget udunt.
kyn llauuryaỽ gwyr kymeint a|gwyr
ruuein yỽ kymhell. A rac codi priaf hen
an hendat gan ellỽg gwaet an kereint
ar ymadraỽd hỽnnỽ a|dodes ulkassar y my+
ỽn llythyr. Ac anuones at caswallaỽn
brenin. y bryttanneit. A phan datcanỽyt y
caswallaỽn y llythyr. Sorri a wnaeth. Ac
anuon llythyr at ulkasar a|oruc ynteu yn|y
Casswallaỽn urenin. y bry +[ mod hỽn.
ttanneit yn anuon annerch y ulkasar
a ryuedu meint sychet a chwant gwyr
ruuein. y eur ac aryant mal na adant dyny+
on o·dieithyr y byt ual ydym ni yn diodef
perigleu yr eigaỽn heb kymhell teyrn+
get arnadunt a menegi idaỽ nat oed di+
gaỽn gantaỽ keissaỽ teyrnget namyn
tragywydaỽl geithiwet a dỽyn eu ry+
| « p 60 | p 62 » |