LlGC Llsgr. Peniarth 9 – tudalen 24r
Ystoria Carolo Magno: Rhamant Otfel
24r
eu harglỽyd ny pheidỽn ni hediỽ yr dyn o|r ys+
syd yn vyỽ yny gymellỽyf arnat tewi a|y o|th
oruot. a|y o|th lad. a|y o beri it ymhoylut ar
ffyd gatholic. A gỽna ditheu heb yr otuel a chy+
mer dy arueu dan yr amot hỽnnỽ. os my+
vi a gilya mi a gynhadaf vyggrogi. Heb yr
oliuer balch iaỽn yỽ dy eireu heb estỽg o
dim. a ryuedỽch maỽr yỽ o|r deuant yn da it.
Ac yna yr vn gogyuurd ar dec a arwedyssant
rolond yỽ ystauell ac a wisgyssant ymdanaỽ
arueu tec diogel. lluruc a wnathoed butcor
disgybyl y galyant y gỽr kywreinhaf a uu
o|r grefft honno yn|y oys ef. A Neimys tywys+
saỽc a|glymỽys y karreieu ygkylch y vynỽg+
yl. Ac a|dodes helym echtywynedic am y ben. a
uuassei eidaỽ golias gaỽr. Ac ar gaỽssei char+
lys pan ladaỽd braiaỽnt. Ac odyna hỽyn a duc+
sant idaỽ dỽrndal y gledyf yr hỽn oed ouer
y neb yno y hoffi ỽrth nat oed yn ffreinc na
bychan na maỽr nad adnapei. Ac ny ỽypei
nat oyd y gystal hyt y dỽyrein odyno. A gỽe+
dy hyny y dodyssant am y vynỽgyl taryan
drom gadarn. wedy yr ysgythru yn odidaỽc
ac eur lliỽ. ac azur. ynn gyntaf y daroyd
ysgythru ygkylch y bogel y petwar prif wynt.
ar deudec sygyn. ar deudeg mis yn|y vlỽydyn
y bei pob vn o·nadunt yn kerdet yn erbyn y
gilyd. ac yny kỽrr issaf idi ỽffern. aỽch laỽ
hyny y nef ar dayar wedyr gỽympassu yn
| « p 23v | p 24v » |