LlGC Llsgr. Peniarth 9 – tudalen 40v
Ystoria Carolo Magno: Can Rolant
40v
bonhedic a glyweist kyghor gỽenwlyd yr hỽnn a
welir ini y vot yn annoc lles ac adỽynder. An+
voner ar varsli ỽr dosparthus yn gennat o|th wyr+
da di a vo huaỽdyr* a|threbelit y ymgeissaỽ ac
ef. ac o|y rỽymaỽ drỽy dogyn o ỽystlon ar yr
hyn a adaỽho. Os hyny a ganhatta yaỽn yỽ
credu idaỽ ac y baỽp onadunt a vynho dyuot
y gret yn dy·hun a ni. Ac ar y kyghor hỽnnỽ y
trigyỽyt. ac yna y gouynaỽd y brenhin pa ỽr
prud dosparthus a vei y·aỽnaf y ellỽg yno yn
gennat yr neges honno. Mi heb y rolond a af
yr neges honno a goreu yỽ gennyf nam nacca+
er o vynet idi. Yna y dywaỽt oliuer. Rolond eb
ef ry haỽd yỽ gennyt ti kyffroi dy annyan yn
y neges honno ac ny allei dy syberwyt ti god+
ef balch eireu marsli heb wneuthur ayrua. A
mi·vi a eruynnaf vy gadu yr neges honno
heb yr Oliuer canys arauach yỽ vympỽyll noc
vn rolond y diodef geiryeu marsli. Na adoly+
get yr ohonaỽch i y neges honno heb y char+
lymayn. nyt a yr vn o|r deudec gogyuurd yr
neges honno. Tỽrpin archescob a gyuodes
y geissaỽ y neges honno. ac a dywaỽt arglỽ+
yd vrenhin heb ef mi·vi a af yr neges honno
ac a|y gỽassanaythaf yn graff drybelit a gat
y|th wyrda orffowys canys blin ynt ys pedeir
blyned ar|dec yn kynhal ryuel yn yr yspayn.
Nyt gỽedus heb charlymayn y archescob
vynet y ryỽ neges honno namyn gỽassana+
| « p 40r | p 41r » |