LlB Llsgr. Cotton Titus D IX – tudalen 43r
Llyfr Blegywryd
43r
Nyt oes amgen boen na|dial onyt
kymell trỽy kyureith am wassana+
eth diffic neu dylyet diffic. neu
rent y|bren hin. onny wedir yn|y
erbynn. eithyr gwassannaeth
a|diffyccyo ac ny aller y|ennill. Ny
dylyir|ry dhau gauel a|gymerer
dros vn o|r tri diffyc hynn hyt pan
wnelher cỽ byl drosti.
K Ynn bo lliaỽs vn vreint o
vraỽtỽyr o|vreint tir yn|yr vn
vraỽt. vn eissoes a|varnn. nyt
amgen y|neb a|e datkannaỽd yn|y
llys rỽg y kynnhennỽyr trỽy gyuundeb
gỽyr y|llys. a|rei ereill a|vydant kyghor+
ỽyr idaỽ yn|y vraỽt. ac o|r dygỽyd ef yg|g+
ỽerth y|tauot achaỽs y|varnn gyffredin
a datkannaỽd drostaỽ ef. a|throstunt wy+
nteu yn|y llys. Y|braỽtỽr ac ỽynteu oll
ygyt a|talant werth y|tauot ef yn gy+
ffredin kymeint pob vn a|e gilyd. canys
o gyffredin gyttssynnỽyr a|chyttuundeb
y|rodassant y vraỽt. ac velly kyffredin
talu a|dylyant ỽynteu dros eu braỽt.
ac velly os braỽdỽr o|vreint y tir a|gyll
camlỽrỽ o achaỽs braỽt a|rother yvelly
| « p 42v | p 43v » |