LlB Llsgr. Cotton Titus D IX – tudalen 82r
Llyfr Blegywryd
82r
gynntaf ar|eu geireu. Odynna gỽedy eu
llỽ. tyget nat tyst kyureithaỽl arnaỽ.
ac enwet yr achaỽs. a dywedet tystgy
o|r tyst anudon. a thystet y|deuỽr nat
aeth y|tyst yn erbyn yr achaỽs y|llyssỽyt.
a|r deuỽr hynny gỽrthtystonn y|gelỽir. a ̷
dilis vydant. Galỽedigaeth gỽybydy+
eit yn|yr amsser y|mynho y|neb a|e galỽho.
ae kynn gỽat. ac amdiffynn. ae|gỽedy.
kannys yr hynn a|fuu kynn dadyl. a|bro+
vant. yr·rỽg y|dadleuỽyr. Gwrthneu
gỽybydyeit yỽ; pann ymdangossont gyn+
taf yn erbynn amdiffynnỽr o|r achỽysson
hynn. ae o anudon kyhoedaỽc. ae o|ysbeil
kyhoedaỽl. ae yn lletrat. ae y|treis. ar
hedỽch. neu o|ysgymyndaỽt geir y enỽ.
neu o|digassed honneit yn erbyn yr amdi ̷+
ffynnỽr. a|r|kyuryỽ. a|hynny kynn eu my+
net yn eu cof. Onny dichaỽn eu gỽrthneb
hỽy yn gyureithaỽl. gỽedy hynny llysser
wynt. megys tyston. ae o|elynnyaeth.
ae|odineb. ae o|tir·tra megys y|dyỽetpỽ+
yt vry yn|y llyuyr. Amsser y|ymỽystlaỽ
a|braỽt yỽ; pan rodher y|vraỽt y*|vraỽt*
yn gyntaf yn|y dadyl. nyt amgen. kynn
dechreu dadyl arall. a|e hadaỽ hitheu yn
| « p 81v | p 82v » |