Llsgr. Caerdydd 1.362 (Hafod 1) – tudalen 27v
Brut y Brenhinoedd
27v
ulkessar kyn no hyn gaffel tagnoued y gantaỽ. Ac
wrth hynny y dlyei ef edrych ar wneuthur iaỽn
yr gỽr y gallỽys ef dỽyweith trỽy y nerth ỽrth+
lad ymheraỽtdyr rufein dỽyweith o|e teyrnas ar try+
dyd weith y dỽyn idi o|e anuod. Ac ỽrth hynny nyt
oed iaỽn dadleu ar gam ac enwir a miui kan gelle+
is i wneuthur y gỽyssaetheu* hynny yna. ac yr aỽr
hon y gỽneuthym hon. Ac ỽrth hynny annoethineb
yỽ gỽneuthur serhaedeu na cham yr neb y kaffer
budugolyaeth trỽydaỽ yn wastat kany eill vn te+
wissaỽc gaffel budugolyaeth heb y gvyr a ellyghant
y gỽaet yn ymlad drostaỽ. Ac yr hynny eissoes
os gallaf|i mi a|wnaf tagnoued ac ulkessar kan de+
ryỽ dial yn digaỽn arnaỽ ef y ssyrhaet a|wnaeth
y mi. Pan ydyỽ yn gỽediaỽ yn rugared i. A
chychỽyn oruc auarỽ a dyuot gan urys hyt y lle
yd oed ulkessar a darestỽg rac y vron gan dywe+
dut yr ymadraỽd hỽn. llyma weithon goleu ac
amlỽg yỽ bot yn digaỽn y dieleisti ty lit ar kys+
wallaỽn. gỽna weithon trugared ac ef beth a
vynny ti amgen gantaỽ ef noc ufylltaỽt a darys+
tygedigyaeth a thalu teyrnget y rufeinaỽl teil*+
lygdaỽt. A gỽedy na rodes ulkessar atteb idaỽ y
dywaỽt auarvy ỽrthaỽ val hyn. tidi ulkessar
heb ef hyn a adeweis i y tidi. gỽedy goruy+
dut ar gyswallaỽn. darystygedigyaeth a
theyrnget y ti o ynys prydein. llyma
kyswallaỽn gỽedy goruot arnaỽ. llyma
ynys prydein yn dary stygedic ytt trỽy vy
| « p 27r | p 28r » |