Llsgr. Caerdydd 3.242 (Hafod 16) – tudalen 88
Meddyginiaethau
88
blastyr. o·honaỽ ỽrth y|penn yn dỽymaf ac y|gaỻer.
Heuyt; kymer. y tryỽ a|mortera yn|da. a|chymysc a|mel.
ac yn|dỽym dot y plastyr hỽnnỽ ỽrthaỽ. Araỻ yỽ;
mortera y rut. ac oleỽ ac a hỽnnỽ ir dy dal. a|th deu gy+
uys. Araỻ; kymysc vystyl ysgyuarnaỽc. a mel ac
a hỽnnỽ ir dy dal. Heuyt; mortera y rut. a mel a ha+
len. ac o hỽnnỽ dot blastyr ar|y penn. Rac dolur penn
heuyt; kymer. pullegium. a berỽ myỽn vinegyr. a dot y+
n|y froeneu. Y diot honn yssyd da rac brath; auans
madyr. Jsob. mintan coch. ac ordỽel. reibeỻis. risc y
dudrein. Eli brath; auans. y violet. ỻygat y dyd.
ỻonhidyd. ỻygeit crist. y benlas. Eli lonhidyd; me+
dygyn. glessin y coet. Eli rac y manwynnyon; deil
y baes. a|r violet. ỻygat y dyd. y bengalet. y vilfyth.
pỽdyr licoris. mer hen eidyon. a hen wer. deil y baes.
Rac clefyt o|vyỽn; kymryt caprỽn a thorri y benn
a|e|draet. a|e verwi drỽy y bluf. ac odyna y vorteru
gyt a|marchredyn. a|e wasgu trỽy liein. ac odyna eu
berwi. a|e roi y|r claf yn diaỽt ar|y|gythlỽng a|r nos
pan el y gyscu. Bỽyta craf vis mei rac y|tosted
da yỽ. Pỽy bynnac a|gymero katris yn bỽdyr ef a ge+
D Jot orchyfun yỽ honn [ if gyuoc neu yr hylithyr.
y beri y dyn gysgu tra agorer arnaỽ pa beth
bynnac y bo y glỽyf y leihau y|dolur; kymer api
tebarce. y morgelyn. y papiauer. sef yỽ hỽnnỽ y bỽl+
lỽc frenghic. mandragore. eido y coet. y|mỽyar. y
kegyr y letus. kymeint o bob un ohonunt a|e gilyd
| « p 87 | p 89 » |