LlB Llsgr. Harley 958 – tudalen 31r
Llyfr Blegywryd
31r
ẏn|ẏ wlat e|hunan. Ẏ gan ẏ taẏogeu ẏ keiff
ẏ|brenhin ẏ pẏnueirch ẏn|ẏ luẏd. ac o pop taẏ+
auctref ẏ keiff gỽr a march. a bỽeỻ ẏ wneu+
thur ẏ gestiỻ ac ar treul ẏ bẏdant; Naỽ
tei a|dẏlẏ ẏ bileineit eu hadeilat ẏ|r|brenhin.
Neuad. ẏstaueỻ. Kegin. Capel. Yscubaỽr.
Odẏndẏ. Ẏstabẏl. Kẏnordẏ. Peẏrant. Kẏlch
a geiff meirch ẏ brenhin a|r vrenhines a|e gwas+
sanaeth·wẏr ẏ gaẏaf ar taẏogeu ẏ brenhin.
Kerdorẏon gỽlat araỻ a gahant gẏlch ar ẏ bi+
laeneit tra vont ẏn aros eu rodẏon ẏ gan ẏ
brenhin os dẏrẏ. Beth bẏnhac a dangosso ẏ
dofreithwẏr ẏ|r taẏaỽc ẏ delhont ẏ tẏ. ef a|e|tal
o|r coỻir eithyr. clẏdẏfeu. A chẏllẏll. A ỻodreu.
Eu meirch heuẏt o|r collir ẏ nos. ef a|e tal. Y neb
a|dẏwetto geir garỽ neỽ eir hagẏr. ỽrth ẏ bren+
hin. talet idaỽ gamlỽrỽ deudẏblẏc.
P unt a hanher a|daỽ ẏ|r|brenhin vn weith
pan rotho maeroniaeth neu gẏghellorẏaeth
ẏ ỽr a|e dẏlẏho. Nẏ cheiff maer na chẏgheỻ+
aỽr ar ỽr rẏd na chyỻch na dofreth. Maer a ran
ẏ teulu pan elhont ar dofreth. Maer a dẏlẏ pe+
ri ẏ|r brenhin pop peth o|r a dẏlẏho ẏ gahel o
gẏfreith ẏn|ẏ vaeroni ef. Maer a|chẏgheỻ·aỽr
a|dẏlẏant gaffel traẏan gobreu merchet bila+
eineit ẏ brenhin. A|thraẏan eu hẏt ẏ saỽl a fo+
| « p 30v | p 31v » |