LlB Llsgr. Harley 958 – tudalen 50v
Llyfr Blegywryd
50v
a dotto rỽẏt ẏ mẏỽn a·uon nẏ phieiffo. traẏ+
an ẏ pẏscaỽt a geiff. A|r deu·parth ẏ perchen
ẏr auon. Nẏ cheiff neb penkenedlaeth nac
eissẏdẏn ar·bennẏc ar tir. na sỽẏd o vreint
tir o pleit mam. kẏt kannatter ran o tir
idaỽ. o|r bẏd neb o pleit tat a|e dẏlẏho. Teil+
ẏghach eissoes ẏỽ kaffel o dẏn o pleit mam
ẏ rei hẏnnẏ noc eu kaffel o estraỽn. Ot ẏm+
rỽẏm gỽreic ỽrth ỽr heb gẏghor ẏ|chenedyl. ẏ
plant a enniỻo o hỽnnỽ nẏ chaffant ran o
tir ẏ gan genedẏl eu mam herwẏd kẏfreith.
O|r dẏrẏ rieni neu genedẏl wreic tlaỽt ẏ
aỻtut. plant honno o|r aỻtut a gahant ran
o tir gan genedẏl eu mam. Ac nẏ cheiff vn
o·honunt eistedua ar·benhic hẏt ẏ|trẏded ach.
Ac o|r ryỽ geniwedi honno ẏ nescir gwarthec
diuach ẏ eu talu dros alanas. Ac ẏ dẏlẏir
mechni drostunt o|r mod hỽn os mab ẏr aỻ+
tut o|r wreic honno a|lad dẏn; kenedẏl ẏ
vam a tal ẏ ỻadedic. kanẏt oes kenedẏl ẏ
alltut ẏ gaỻer rannu galanas arnunt. na|e
dial. O|r tẏr ỻog ar tir escob. deu hanner
uẏd ẏr ennẏỻ ẏ·rỽg ẏ brenhin a|r escob.
Os ar tir ẏ brenhin ẏ tirr. ẏ brenhin e|hunan
bieiuẏd ẏr enniỻ. Beth bẏnhac a uẏrho
morgẏmlaỽd ẏ|r tir megẏs torri llog. ẏ bren+
| « p 50r | p 51r » |