LlGC Llsgr. 3035 (Mostyn 116) – tudalen 31r
Brut y Brenhinoedd
31r
dỽywes a dywedut ỽrthi yr ymadraỽd hỽnn.
A e tydy dỽywes gyuoethaỽc. ti yssyd aruthur y|r
beid coet yt y|mae canat treiglaỽ aỽwyrolyon
lỽybreu. ac eỻỽg eu dylyet y daerolyn ac vfern+
olyon dei dywet ti imi pa dayar y pressỽylaf. i. yn di+
heu yndi A|pha eistedua yd an·rydedỽyf. i. tidi drỽẏ
yr oessoed o demleu a gỽerinaỽl goreu gỽerydon. ~
A gỽedy dywedut hẏnnẏ ohonaỽ hyt ym|phen naỽ
weith treiglaỽ yg|kylchyl* yr aỻaỽr a|wnaeth pe+
deir|gỽeith a|dineu y|gỽin oed yn|y laỽ y|myỽn ge+
neu y dỽywes a|thannu croen yr ewic wen rac bron
yr aỻaỽr ac ar hỽnỽ gorwed Ac am y dryded ran o|r
nos pan oed esmỽythaf gantaỽ y hun y gỽelei y dỽy+
wes yn sseuyll rac y vron Ac yn dywedut ỽrthaỽ ual
B rutus heb hi ẏ|mae ynys y|parth hỽnt [ hynny
y|freinc yn gatwedic o|r mor o|pop tu idi ac a vu
geỽri gynt yn|y chyuanhedu yr aỽron diffeith
yỽ ac adas y|th genedyl di kyrch hono. kanys hi a
vyd tragywydaỽl eistedua it ac a uyd eil tro y|th
lin di. Yno y genir brenhined o|th lin di yr rei y|byd
darystygedic amgylch y dayar
A gỽedy y|weledigaeth hono dyffroi a|wnaeth
brutus a|phetrussaỽ beth ry|welsei ae breidỽyt
ae dỽywes yn menegi idaỽ ynteu y ỻe a bres+
sỽylei a galỽ y getymdeithon a oruc attaỽ a menegi
vdunt y|weledigaeth a diruaỽr lewenyd a gym+
erassant yndunt ac annoc mynet y eu ỻogeu.
Ac ar y gỽynt kyntaf yn rỽyd kerdet y|geissaỽ
y|wlat a vanagassei y dỽywes vdunt. A|chychwyn
a|wnaethant y eu ỻogeu a|drychafel hỽyleu a ̷ ̷
| « p 30v | p 31v » |