LlGC Llsgr. Peniarth 11 – tudalen 147v
Ystoriau Saint Greal
147v
1
a dywedut bot yn adef ganthaỽ y orchyfygu. A gỽalchmei
2
yna a|beidyaỽd ac ef. ac vn o|r morynyon a|dywaỽt nat oed re+
3
it idaỽ o·vyn y ỻaỻ tra vei ˄vyỽ hỽnnỽ na|r aruer drỽc yssyd ar
4
y pebyỻ. ny|s|tynny ditheu o·ny|s ỻedy. kanys efo yssyd arglỽ+
5
yd ar y pebyỻ. ac o achaỽs y vileindra efo ny doeth yma neb
6
yr ys|talym. Wely heb y marchaỽc araỻ ỽrth walchmei y
7
hanghywirdeb hi. kanys nyt oed dim yn yr hoỻ vyt kymeint
8
a|garei hi a|r gỽr racko herwyd a|debygit arnei ac yr aỽr·honn
9
yn|barnu arnaỽ. Ac etto heb hi mi a|dywed·af na byrir yr ar+
10
uer drỽc odyma ony|ledir ef. Yna gỽ·alchmei a|dyrchafaỽd
11
arffet y luryc ac a|e|brath·aỽd drỽydaỽ. Ac ar hynny na+
12
chaf y marchaỽc araỻ yn dyuot yn|ỻidiaỽc o achaỽs ỻad
13
y gedymdeith. ac yn gossot ar walchmei a gỽalchmei ar+
14
naỽ ynteu. ac ymgyrchu a|orugant yn|greulaỽn yny go+
15
ỻassant eu gwarthafleu. ac yny tyỻaỽd eu ỻurugeu. ac ̷
16
yny ymdangosses kic eu hystlysseu y benneu eu gỽewyr
17
ac yny yttoed eu corffeu ỽynteu yn|ymgyhỽrd. ac eu meirch
18
yn gyn|luttet ac yny yttoed eu korofeu yn dryỻyaỽ. ac yny
19
yttoedy·nt ỽynteu eỻ deu y|r ỻaỽr. yn gymeint eu kỽymp
20
ac yny yttoed eu gỽaet yn|ffrydyeu o|e geneueu aỻan. Ac
21
yn|y kỽ·ymp a|gafas y marchaỽc ef a|dorres y vreich. ac
22
yna y corr a|dywaỽt ỽrth yr vnbennes. Da digaỽn y gỽ+
23
are gỽalchmei myỽn digonyant. Gỽalchmei yna a|gy+
24
uodes ac a|doeth tu ac att y varch. ac ef a|adassei* y|r marcha+
25
ỽc ffo. pany|bei y morynyon a|lefassant arnaỽ. ac a|dywe+
26
dassant o·ny|s|ỻadei y keffit gormod o drỽc ganthaỽ. yna
| « p 147r | p 148r » |