LlGC Llsgr. Peniarth 11 – tudalen 182r
Ystoriau Saint Greal
182r
att y brenhin ac a|ovynnaỽd idaỽ a|dywedassei ef dim o|e ne+
ges hi ỽrth y marchaỽc. Na|dywedeis unbennes heb ynteu kan+
ys ef a|aeth ymeith yn gynt noc y mynnassỽn i idaỽ vynet.
O ch arglỽyd heb y vorwyn. ys maỽr a bechaỽt a|wnaeth+
ost di a|myui. ac os da gan duỽ brenhin kystal a|thydi
ny phaỻa ef y vorỽyn kyndrỽc y chyflỽr a minneu o|r hynn a
adawei. ac o phaỻut ef a|th ogenit yn vaỽr. Drỽc vu gan y bren+
hin na|doeth cof idaỽ dim y ỽrth y vorwyn. a|hitheu a gymerth
y chennat ac a|dywaỽt yr aei e|hun y geissyaỽ y marchaỽc.
Ac os myui a geiff y marchaỽc myui a|th rydhaaf di o|th a+
daỽ. Gỽalchmei a|laỽnslot a|oedynt gỽedy dyuot y|r ỻys. ac
a|glywssant y chwedyleu am y marchaỽc a|aeth a|r darean
ymeith. ac yn drỽc ganthunt nas gỽelsant. Laỽnslot yna
a arganuu y daryan a adawssei ef yno. ac a|wybu yn hys+
pys panyỽ paredur a vuassei yno. Arglỽydi heb y brenhin
ef a|vyd reit y chỽi vynet y geissyaỽ efo. kanys reit ymi gy+
wiraỽ yr|hynn a edeweis y|r vorwyn. Eissyoes hi a|dywaỽt
os y hi a|e kaffei ef yn gynt no myui. hi a|m rydhaei. Ac am
hynny arglỽydi. maỽr a|alussen oed y chỽi gymryt poen
arnaỽch o|e geissyaỽ ef. kynny bei namyn o|e hachaỽs hi.
Ac os merch heuyt yỽ hi y efraỽc y mae hitheu yn chwaer
y|r marchaỽc. a|e mam hitheu yỽ iglais. a|e henỽ hitheu yỽ
landran. Gwir yỽ heb·y gỽalchmei panyỽ y chwaer ef yỽ hi.
a mi a|e gỽeleis yn|ty y mam. Myn|vyng|cret heb y vrenhin+
es tebic yỽ gennyf panyỽ chwaer idaỽ ytiỽ. kanys yr|aỽr ̷
y|doeth hi yma ef a|e hadnabu y bitheiat hi. ac a|wnaeth ỻeỽ+
enyd maỽr idi. Myn vym|penn heb·y gỽalchmei myvi a|af
| « p 181v | p 182v » |