LlGC Llsgr. Peniarth 11 – tudalen 219v
Ystoriau Saint Greal
219v
yn ryd o|r penyt hỽnn. kanys doethost di yma. A vnbennes heb
y laỽnslot. digrif yỽ gennyf|i hynny. A hevyt heb hi yn|dyuot
yma yr ỽyf o|th garyat ti. kanys ny chereis i eirmoet wr yn|gym+
meint a|thi. Arglỽyd heb hi ny wdost|di etto beth yỽ kynnedyf
y ỻe hỽnn. kanys kynn y|dyd ef a daỽ yma y|myỽn toryf o varch+
ogyon duon hagyr aruthyr y ymlad bop vn a|e gilyd benndra+
phenn. a duỽ a|th dihango di rac angheu y ganthunt. ac ef a
bery hynny yn|hir. a|r nos gyntaf y deuthum i yma. ef a|doeth
marchaỽc urdaỽl y lettyu o antur. ef a|wnaeth ym gỽmpas a|e
gledyf yr hỽnn y ffoeis i racdunt ỽy. a|thra vỽyf|i yn hỽnnỽ nyt
reit ym eu hovyn ỽynt namyn ymdiret yn|duỽ ac yn yr arglỽ+
ydes veir. ac ueỻy y gỽneỽch chỽitheu o|r gỽneỽch iaỽn. Ac yna
laỽnslot a|gymerth y gledyf ac ym|perued y ty ef a|wnaeth cỽm+
pas. ac yn|hỽnnỽ yr|eistedassant ỽy. Ac ual y bydynt yn eisted
ueỻy ỽynt tỽryf y marchogyon yn|dyuot. megys y tebygit
udunt ỽy vot y byt yn diwreidyaỽ a|r fforest yn digỽydyaỽ. A ̷
gỽedy hynny nachaf ỽynt yn|dyuot y myỽn. ac etewyn tanỻyt
yn ỻaỽ bop vn ohonunt. ac a|r rei hynny yn ymffust bop vn a|e
gilyd. ac yr|hynny ryỽ darestỽng a|wnaethant ỽy y arthur
a|e gedymdeithyon. Eissyoes ny aỻassant ỽy argywedu ud+
unt namyn eu taflu o|beỻ a|r prenneu tanỻyt. Yna laỽnslot
a gyuodes y|uyny ar|uedyr mynet y ymlad ac ỽynt. a|r uorwyn
a|e gỽediaỽd ac a|erchis idaỽ nat ysgogei o|r cỽmpas o·ny myn+
nei y goỻi. ac ynteu a|dywaỽt mae ry gachyat a ry lyfỽr oed
udunt vygylu y|r delweu meirỽ. Myn|duỽ heb y vorwyn ot ey
di dros y cỽmpas ti a geffy ormod o|drỽc ganthunt. kanys
| « p 219r | p 220r » |