LlGC Llsgr. Peniarth 11 – tudalen 5r

dymdeithyon y vort gronn yn|y damunaỽ. ac am hynny byd+

ỽch lawen ỽrthaỽ. ac anrydedỽch ef kanys mi a|ỽnn na byd

hir drigyan arnaỽ yma. Arglwyd heb y gỽalchmei tydi a|min+

neu a|dylyem y anrydedu ef megys arglwyd maỽr a|meistyr ar+

nam. kanys duỽ a|e hanuones ef attam ni yr yn rydhau o|r dryc+

dynghetuenneu a|r anturyeu a|oed yn|yr ynys honn. A unbenn

heb yr arthur yna groessaỽ duỽ ỽrthyt. a|duỽ a|dalo itt dyuot yma.

Arglỽyd heb y|galaath yma y dylyỽn i dyuot. kanys ody yma

y kychwynnant y saỽl a|vynnont vot yn geissyeit ar seint gre+

al. A vnben heb yr arthur val anghen oed inni dy dyuot ti yma he  ̷+

diỽ o achaỽs yr anryuedaỽt a|doeth yma y bore hediỽ. ar yr hỽnn

y paỻaỽd kỽbyl o|r yssyd yn|y ỻys honn. Arglỽyd heb y|galaath

pa|le y mae hynny. Mi a|e|dangossaf itt heb yr|arthur. a|chym  ̷+

ryt y|laỽ a|dyuot o|r ỻys a|orugant. a|r|barỽnyeit ereiỻ y·gyt ac

ỽynt y edrych a|aỻei galaath tynnv y cledyf o|r maen. Ac ueỻy

paỽb a|redaỽd y edrych ar y damchwein hỽnnỽ heb drigyaỽ dyn

yn|y ỻys. A|r vrenhines a|e harglỽydesseu pan glywssant hynny

a|gychỽynnassant ar eu|hol. ac ueỻy y doeth hi a niuer maỽr

o wragedda a morynyon ieueinc a|hi. ac arỻoessi ỻe y|r vrenhi  ̷+

nes a|wnaethpỽyt. Galaath heb yr arthur weldy yma yr en+

ryuedaỽt. nyt amgen. tynnv y cledyf hỽnn o|r|maen a|wely di

yr hynn a baỻaỽd ar y|rei pennaf o|m gỽyr i hediỽ ~  

A c yna y|dywaỽt galaath. Arglỽyd heb ef nyt oed ryued

y baỻu arnadunt. kanys nyt ỽyntỽy bioed yr antur

hỽnn namyn myui. ac o achaỽs hynny ny dugum i gledyf

gennyf yma|hediỽ. Ac yna roi y|laỽ a|oruc galaath ar|y cledyf